E frikshme: Ambasador Dugolli i raporton Gërvallës se trajtimi i Amerikës është “LARG MË BRUTAL se që mendon Prishtina”
Autori: Gazeta inFokus 14:11 | 28 January 2023
Ambasadori i Kosovës në ShBA i tregon shefes së tij, Donika Gërvallës, se Amerika është larg më brutale se që mund të mendohet në Prishtinë. I tregon edhe se ka qenë e pamundur të realizohet çfarëdo takimi. I tregon edhe se nuk donte të ishte ambasador. Të gjitha këto, në raportin më të trishtë që mund të keni lexuar në jetën tuaj.
Përplasjet e mëhershme të Albin Kurtit me ambasadorët e ShBA-ve në Prishtinë – dhe qëndrimet e ndryshme nacionaliste të të parit – kishin shqetësuar shumë qytetarë të vendit se raportet mes Kosovës dhe partnerit më të madh të saj mund të prisheshin pas ardhjes së tij në pushtet.
Prishja e parë ndodhi, por Kurti me vartësit e tij ia dolën t’i bindnin qytetarët se problemi ishte më i kufizuar se që mund të mendohej: problemi ishte Trumpi dhe administrata e tij.
Por, as pas ardhjes së Joe Bidenit në pushtet (një prej njohësve më të mirë të Kosovës në nivelin e lartë amerikan) gjërat nuk shkuan në drejtimin e duhur. Tensionet ishin të vazhdueshme, ani pse kryeministri i Kosovës Kurti ngulmonte që kishte biseda të përjavshme me ambasadorin amerikan në Prishtinë, Jeff Hovenierin.
Këto tensione duket se ndikuan edhe në gjuhën e përdorur nga ambasadori i Kosovës në ShBA, Ilir Dugolli, që në raportin vjetor për punën e ambasadës që e ka dërguar në Prishtinë të shkruante fjalë… tmerruese.
Brutaliteti i nikoqirit
Gazeta Nacionale e ka siguruar dokumentin e titulluar “Raport i shkurtër mbi vitin e parë të detyrës në ShBA” të përgatitur nga ambasadori Ilir Dugolli, dhe i cili i dërgohej shefes së diplomacisë tonë, znj. Donika Gërvalla Schwarz.
Aty z. Dugolli thotë se do të ndajë “disa reflektime të shpejta” mbi punën e bërë përgjatë një viti derisa shprehet që detyrën si ambasador “nuk e ka pranuar me dëshirë për një numër arsyesh, si objektive ashtu edhe personale.”
Por, në pjesën ku shkruan për “Menaxhimin e Ambasadës” gjejmë fjalë që, më e pakta, mund të cilësohen si skandaloze për një diplomat të nivelit të lartë dhe që potencialisht mund të rrezikojë edhe më shumë raportet mes ShBA-ve dhe Kosovës.
Aty, ambasadori Dugolli tregon për “kufizimet e shumta” me të cilat është përballur Ambasada përgjatë vitit për të cilin reflekton. Dhe më poshtë, është fjalia jashtëzakonisht problematike:
“Përderisa mund të ketë ambasadë tjetër të RKS-së që ka funksionuar me nivel të njëjtë të stafit, vështirë të ketë rast tjetër ku shkrihen në një vend mbështetja në një diplomat të vetëm, pa staf vendor, me trajtim nga shteti nikoqir që është larg më brutal se që mund të perceptohet në kryeqendër…”
Shteti nikoqir është ShBA-ja, dhe ambasadori Dugolli po ankohet se Amerika është larg më brutale se sa që perceptohet në Prishtinë. Pra, edhe më brutale se sa që mund ta mendojnë kryeministri Albin Kurti e ministrja Donika Gërvalla.
Në dokumentin në fjalë gjejmë edhe të tjera probleme të pabesueshme që do të duhej të shqetësonin çdo qytetar për mënyrën se si po e drejton Ministrinë e Jashtme znj. Gërvalla, madje edhe se si po i trajton të besuarit e vet për të udhëhequr me misionet diplomatike të Kosovës në vendet më partnere të saj.
S’ka takime
Por, Shkelqësia e tij Dugolli vazhdon të ‘shkëlqejë’ me ankesat e tij.
Në pjesën ku flet për “Komunikimin me shtetin nikoqir” ai tregon se si “Në nivelin e shteteve dhe të autoriteteve lokale (përjashto Uashingtonin dhe ato që janë realizuar si pjesë e vizitave të nivelit të lartë), ka qenë e pamundur të realizohet çfarëdo takimi…”
Pikërisht për vizitat, ambasadori flet edhe në pjesën e fundit të këtij raporti tronditës. Ai thotë që një opsion mbetet “riaktualizimi i kërkesave për biseda telefonike me Sekretarin Blinken dhe Këshilltarin e Sigurisë Kombëtare Sullivan përmes presionit të njëkohshëm” nga ambasada që drejtohet nga Dugolli dhe nga ajo në Prishtinë që drejtohet nga Jeff Hovenier.
Kryeministri i Kosovës Albin Kurti aktualisht po përballet me një presion të jashtëzakonshëm për formimin e Asociacionit të Komunave me Shumicë Serbe. Pikërisht Ambasada e ShBA-ve në Prishtinë e ka thirrur një takim për datën 31 janar në të cilin do të diskutohen me politikanë dhe shoqëri civile modalitetet e themelimit të Asociacionit. Kurti ka thënë se nuk është thirrur fare në këtë takim.
Në anën tjetër, Kurti në një intervistë për REL të publikuar dje u shpreh se ishte paralajmëruar për mundësinë e zvogëlimit të mbështetjes ndërkombëtare.
Kujtojmë që ambasadori Dugolli ishte emëruar në këtë detyrë në fund të vitit 2021, dhe këtë raport e ka përgatitur në fund të vitit të kaluar, ose saktësisht më 15 dhjetor.
Raporti:
Të tjera
-
Haliti për terro*ristët në Banjskë: U lejuan të ikin, po të vrit*eshin të paarmatosur do hapej proces në Hagë
Deputeti i Partisë Demokratike të Kosovës (PDK), Xhavit Haliti, ka thënë se ë...
-
Prishtina përgatitet për “Melodinë e Lirisë”, koncerti festiv për çlirimin e Shqipërisë dhe Kosovës
“Melodia e Lirisë” është koncerti që do të mbahet nesër në sheshin “Zahir Paj...
-
LDK-ja autorizon Abdixhikun që të negociojë koalicione parazgjedhore
Lidhja Demokratike e Kosovës e ka autorizuar kryetarin Lumir Abdixhiku që të ...
-
Arrestohet i dyshuari për grabitje në pikën e derivateve në Gjilan
Njësiti i Hetimeve të Stacionit Policor në Gjilan ka arritur që të identifiko...
-
Deputeti francez pezullohet pasi valëviti flamurin palestinez në parlament
Një deputet francez i krahut të majtë, i cili valëviti një flamur palestinez ...
-
Kurti diskuton me anëtarët e ekipit ndërinstitucional për promovimin e punësimit të komuniteteve rom, ashkali dhe egjiptian
Kryeministri i Republikës së Kosovës, Albin Kurti, mirëpriti sot anëtarët e e...
-
Hoti parashikon largim të kuadrove nga FSK-ja shkaku i buxhetit
Deputeti i Lidhjes Demokratike të Kosovës, Avdullah Hoti, ka thënë të martën ...
-
Ndërhyri në sistem për të ndryshuar kufijtë kadastral, arrestohet zyrtari
Policia e Kosovës, Sektori për Hetime Financiare nga Drejtoria për Hetimin e ...
-
Arrestohet i dyshuari për prodhim të dro*gës sintetike në Zubin Potok
Policia e Kosovës ka arrestuar një të dyshuar për prodhim të drogës sintetike...
-
Abdixhiku e quan Kurtin “mosbesues të pavarësisë”: Tri vjet për ta kuptuar paaftësinë e kësaj Qeverie
Kryetari i Lidhjes Demokratike të Kosovës, Lumir Abdixhiku, ka deklaruar se p...
-
Abdixhiku i vendosur, përsërit thirrjen për dorëheqjen e Kurtit
Tashmë ka filluar edhe mbledhja e Këshillit të Përgjithshëm të Lidhjes Demokr...
-
Nis mbledhja e Këshillit të Përgjithshëm të LDK-së
Me intonimin e himnit kombëtar dhe atë shtetëror, ka nisur mbledhja e...