Lëndimet janë një nga frikësimet kryesore për lojtarët dhe trajnerët, veçanërisht tani që Kampionati Botëror “Katar 2022” është vetëm katër ditë larg.

Turneu më i madh i futbollit në botë është një mundësi e madhe për shumë lojtarë, dhe duke qenë se mbahet vetëm një herë në katër vjet, të qenit në formë në këtë kohë është vendimtare për ta.

Megjithatë, lëndimet mund të godasin lojtarët kryesorë në çdo kohë, përfshirë edhe gjatë Kupës së Botës.

A mund të zëvendësojnë ekipet lojtarët e lënduar gjatë Kupës së Botës?

Rregulloret e hartuara nga FIFA për Kupën e Botës “Katar 2022” përcaktojnë në nenin 24, paragrafi 3 që skuadrat mund të zëvendësojnë lojtarët që nuk janë në gjendje të konkurrojnë për shkak të dëmtimit ose sëmundjes së rëndë deri në 24 orë përpara ndeshjes së tyre të parë të Kupës së Botës.

Ndërsa Kupa e Botës fillon më 20 nëntor, detyrat me klubet e tyre nuk do të përfunduan në shumicën e rasteve deri një javë më parë, që do të thotë se lojtarët mund të lëndohen me ekipet e tyre përpara se të lidhen me ekipin kombëtar.

Trajnerët do të presin me ankth 26 lojtarët e tyre derisa të bashkohen me ekipet kombëtare për stërvitje para nisjes së Kampionatit Botëror.

🚨 Breaking: Christopher Nkunku will miss the World Cup due to injury in today’s training session. #France #WorldCup2022 🇫🇷 pic.twitter.com/mpnKUUqUzn

— Fabrizio Romano (@FabrizioRomano) November 15, 2022

Për më tepër, rregullat shtojnë se zëvendësuesit nuk duhet të zgjidhen nga listat origjinale të përkohshme me 55 lojtarë, nga të cilat duhej të zgjidheshin skuadrat me 26 lojtarë.

Gjithashtu, zëvendësuesi duhet të mbajë në fanellë numrin e lojtarit të dëmtuar që ka zëvendësuar.

Së fundi, FIFA parashikon që Komiteti Mjekësor të vërtetojë se lëndimi e bën lojtarin të pakualifikuar për të marrë pjesë.

Who could be Christopher Nkunku’s World Cup replacement? 👀 pic.twitter.com/zfiVERKMm7

— ESPN FC (@ESPNFC) November 15, 2022

Pasi një ekip të ketë filluar turneun e tyre, lojtarët e lënduar gjatë Kupës së Botës nuk mund të zëvendësohen, por skuadrat janë zgjeruar në 26 lojtarë për “Katar 2022”, shkruan Telegrafi.

Me fjalë të tjera, ndryshe nga Kupat e Botës së mëparshme, lista përfundimtare ka shkuar nga 23 lojtarë në mes 23 dhe 26, gjë që u jep trajnerëve më shumë fleksibilitet dhe më shumë hapësirë ​​frymëmarrje nëse ndodhin lëndime gjatë turneut.

Kryetari Përparim Rama pjesë e ‘Mayor’s Talk’

Sponsoruar