Në Kosovë po qëndron për vizitë një delegacion nga Komisioni Evropian, i kryesuar nga Genevova Ruiz Calavera, drejtoreshë për Ballkanin Perëndimor në Komisionin Evropian, me qëllim të përgatitjes së Programit për Reforma në Ekonomi 2019-2021.

Për këtë është mbajtur një takim ndërmjet ministrit të Financave Bedri Hamza dhe Drejtoreshës për Ballkanin Perëndimor në Komisionin Evropia.

Pas këtij takimi të mbyllur për medie është mbajtur takimi i Koordinatorëve të fushave të Programit për Reforma në Ekonomi, ku me këtë rast ministri Bedri Hamza ka thënë se me këto reforma parashihet sektori i energjisë, shtimi i punësimit dhe zbatimi sa më efikas i buxhetit për veteranët e luftës, ku me këtë rast ai bëri apel tek të gjitha institucionet për zbatim sa më efikas të kësaj mase.

Po ashtu edhe reformat në luftimin e ekonomisë jo formale duhet të ndërmerren sikur për sigurimet shëndetësore, e deri tek sektori I bujqësisë.

“Dialogu ekonomik në mes të BE-së dhe të institucioneve të Kosovës po bëhet pjesë përbërëse e kornizës sonë të zhvillimit, të politikave ekonomike dhe orientues I rrugës sonë të domosdoshme drejt konvergjencës ekonomike dhe integrimit politik në BE. Dialogu I tanishëm i përqendruar në reformat në ekonomi vazhdon edhe kur vendet aspiruese I bashkohen BE-së, sepse bazohet në procesin që edhe vet vendet anëtare ndjekin në kuadër të semestrit evropian. Andaj, zhvillimi I programit të reformave në ekonomi dhe dialogu rreth tij veç adoptimit të standardeve në politik bërje po i ofron Kosovës edhe eksperiencën e nevojshme në rrugën drejt anëtarësimit. Në fakt përmbushja e kritereve ekonomike është kërkesë kyce për anëtarësim”, tha Hamza.

Drejtoresha për Ballkanin Perëndimor në Komisionin Evropian, tha se me këto reforma në ekonomi, fokusi kryesor është që të bëhet Kosova më konkurruese, ku për këtë kërkohet angazhim në disa fusha siç është energjia, informaliteti dhe arsimi.

Kosova duhet t’i plotësoj kriteret e nevojshme për anëtarësim në BE dhe të jetë e aftë të përballet me forcat apo me konkurrencën e tregut. Ekonomia e Kosovës ende nuk I ka arritur këto kritere, mirëpo megjithatë po mundohemi ta bëjmë një mjedis afarist shumë më të mirë. Gjithashtu njëkohësisht mundohemi dhe kemi nevojë ta rrisim besimin që është shumë I rëndësishëm për zhvillimin ekonomik dhe krijimin e vendeve të punës. Andaj, është me rëndësi të thuhet se liberalizimi i tregjeve nuk është i mjaftueshëm nëse nuk shoqërohet me masat nxitëse të zhvillimit ekonomik, që nënkupton financa të shëndosha, politika për arsim, për punësim që krijon shkathtësitë e kësaj rinie premtuese. Po ashtu luftimi ndaj korrupsionit, digjitalizimi, inovacioni, stimulimi i frymës së ndërmarrjes janë kritere. Qeveria nuk duhet ta rrezikoj stabilitetin ekonomik dhe të ardhmen e Kosovës”, theksoi Calavera.

Ndërkaq, Kosova deri në fund të muajit janar të vitit të ardhshëm duhet ta dërgoj Programin për Reforma Ekonomike që është kryesisht përgjegjësi e Qeverisë së Kosovës.

Calavera ka mbajtur edhe një takim me donatorë pa praninë e mediave.