Lajme

Caktohet masa e paraburgimit për zyrtarin policor të dyshuar për krime lufte

Autori: Gazeta inFokus 15:35 | 03 June 2022

Gjykata Themelore në Prishtinë, të premten, ka caktuar masën e paraburgimin prej 30 ditëve ndaj zyrtarit policor Caslav Joliq i dyshuar për krime lufte.

Lajmin për “Betimi për Drejtësi” e ka konfirmuar zëdhënësja për informim e Gjykatës Themelore në Prishtinë, Mirlinda Gashi.

“Sot të dyshuarit Joliq iu është caktuar masa e paraburgimit prej 30 ditëve”, tha Gashi.

-Advertisement-

Ndryshe, Policia e Kosovës përmes një njoftimi për media ka bërë të ditur se ka arrestuar një person të nacionalitetit serb në Istog, i cili është i dyshuar për krime lufte  të kryera ndaj popullatës civile të Kosovës në periudhën gjatë viteve 1998-1999.

Policia e Kosovës njofton se pas një pune hetimore të kryer nga njësia e Hetimeve të Krimeve të Luftës është identifikuar dhe arrestuar i dyshuari.

“I dyshuari me vendim të prokurorit dërgohet në mbajtje, ndërsa rasti është nën hetime. Rasti është iniciuar si “Krime lufte kundër popullsisë civile”, thuhet në njoftimin e policisë

 

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm

Të tjera

Fokusi

lajme