Bellopoja e Podujevës nën ujë, banorët thonë se nuk mund t’i mbjellin tokat
Autori: Gazeta inFokus 20:45 | 12 March 2023
Shiu që po bije ditëve të fundit në Kosovë, ka prekur Komunën e Podujevës. Në këtë komunë tokat tashmë janë të mbuluara nga uji. Në një fshatë të kësaj komune, ankohen se shkaku i vërshimeve tokat nuk mund t’i punojnë në këtë fillim të pranverës derisa thonë se dëmet janë të mëdha.
Është koha e të mbjellurave, por këtë herë ky zakon do të ketë vonesa për banorët e fshatit Bellopojë nga komuna e Podujevës.
Tokat që i kishin bërë gati për të hedhur farën në to, nga mbrëmja e 11 marsit janë të mbushura me ujë si pasojë e reshjeve të shiut, derisa kjo pamje të jep përshtypjen e një liqeni.
Ramiz Mustafa thotë se jeton me të ardhurat që siguron nga bujqësia, por i zhgënjyer shfaq frikën se i gjithë mundi do t’i shkoj dëm.
“Brenda muajit duhet të fillojë mbjellja por tash nuk mundemi shkaku i dëmeve që janë bërë pasi krejt arat janë nën ujë. Komuna para 5 viteve e ka nis me zgjeru reken po asgjë, uji nuk po ndalët dhe pastaj po i merr arat. Ne jetojmë prej bujqësisë dhe këtë vit jemi në humbje. Është kalbur gruri, janë prish tokat prej ujit”, ka deklaruar Ramiz Mustafa – Banor i fshatit Bellopojë.
Të mbushur të tërë token më ujë, e ka edhe Sylejman Matarova.
Reshjet e natës së mbrëmshme nuk janë të vetmet që në këtë pjesë shkaktuan dëme në bujqësi.
Një situatë e ngjashme ishte edhe në mesin e janarit. Madje dëmi që u shkaktua në atëherë nuk është kompensuar ende për banorët e këtij fshati.
E, i tërë problemi sipas tyre, vjen si pasojë nga mos zgjerimi i përroskës së fshatit.
“I ka marrë arat, grunin, miseri na kemi pas më mbjell por tash krejt tokat janë në ujë dhe nuk përdoren. Kemi pas më mbjell misër e kompira por tash nuk mujmë më mbjellë. Reken nuk e kanë pastruar dhe po i merr arat. Komuna nuk vjen me pa, na jemi dëmtu edhe gjatë janarit por nuk u ardhur askush me pa ose me na ndihmuar”, ka thënë Sylejman Matarova – Banor i fshatit Bellopojë.
Nga reshjet e shiut ditëve të fundit, dëmet më të mëdha në Komunën e Podujevës janë bërë në sektorin e bujqësisë.
“Reshjet e shiut ditëve të fundit në Komunën e Podujevës kanë vërshuar toka bujqësore dhe kanë vështirësuar qarkullimin në komunikacion, por jo edhe shtëpi banimi. Situata momentalisht është plotësisht nën kontroll, ndërsa në rast të përkeqësimit të kësaj gjendje përmes ekipeve emergjente jemi të gatshëm për intervenim aty ku ka nevojë”, ka theksuar Fatri Zhitia, Komuna e Podujevës.
Podujeva është një nga komunat që kanë pësuar më së shumti dëme gjatë muajve të fundit nga vërshimet.
Vlera e dëmeve në këtë komunë ka shkuar mbi 3 milionë euro./RTV Dukagjini/
Të tjera
-
Cameroni pritet ta vizitojë Shqipërinë
Sekretari i Jashtëm britanik, David Cameron, javën e ardhshme pritet ta vizit...
-
Platforma e parë inteligjente e nxjerrjes së naftës detare instalohet në Detin e Kinës Jugore
Platforma e parë inteligjente e nxjerrjes së naftës detare e Kinës, "Huizhou ...
-
Nënsekretarja e ShBA-së: Kosova të ec para me Asociacionin
Nënsekretarja e ShBA-së për Diplomacinë Publike, Elizabeth Allen, ka deklarua...
-
Osmani: Fushatat dezinformuese janë kër*ënim për sigurinë kombëtare të Kosovës
Presidentja e Kosovës Vjosa Osmani, ka thënë se fushtat dezinformuese paraqes...
-
Osmani flet për marrëveshjen e nënshkruar me SHBA’të: Janë aleati ynë kryesor
Presidentja Osmani në një konferencë për media ka folur për marrëveshjen e në...
-
Leposaviq: U has me uniformë me emblema të Serbisë, arrestohet e më pas lirohet
Një person është arrestuar e më pas është liruar në procedurë të rregullt. ...
-
25 vjet nga masằkrằ në Burgun e Dubravës
25 vjet më parë në Burgun e Dubravës ndodhi njëra nga masakrat më të mëdha n...
-
“Stoli ari, para dhe 11 ora”, vjedhje e rëndë në Graçanicë
Një burrë në Graçanicë ka raportuar se dikush ka hyrë në shtëpinë e tij dhe i...
-
Nënsekretarja Allen mbërrin në Presidencë, nis takimin me Osmanin
Nënsekretarja amerikane e Shtetit, Elizabeth Allen, ka mbërritur në Presidenc...
-
Bajrami: Kurti të japë dorëheqje, nuk i bëjmë favor me shpërndarje të Kuvendit
Deputetja e LDK-së, Hykmete Bajrami ka kritikuar ashpër qeverinë Kurti për ke...
-
Arratisja e Enver Sekiraqës, deklarohet avokatja e tij
Gjatë ditës së djeshme u raportua për arratisjen e Enver Sekiraqës. Kjo u ...
-
Prishtinë: Babë e bir rrằhen mes vete
Babë e bir janë rrahur mes vete, pas një mosmarrëveshje që kishin pasur. R...