Fokus

A u godit nga rrufeja aeroplani që po vinte nga Zvicra në aeroportin e Prishtinës? Flasin nga Aeroporti

Autori: Samire Jaha 11:31 | 28 July 2022

Një aeroplan i cili po barte udhëtarë nga Zvicra është raportuar se është goditur nga rrufeja të mërkurën në aeroportin “Adem Jashari” në Prishtinë, shkruan Gazeta Infokus.

Sipas raportimeve thuhet rrufeja e kishte goditur aeroplanin pas aterimit ne aeroport dhe se nuk ka të lënduar por që ende nuk dihet vlera e dëmeve materiale të shkaktuara.

Gazeta Infokus në lidhje me këtë ka kontaktuar me zyrtarë në aeroportin e Prishtinës “Adem Jashari”, të cilët pranuan se për shkaqe teknike aeroplani i njëjtë nuk është kthyer përsëri për në lokacionin që e kishte të caktuar, mirëpo duke mos dhënë detaje nëse ky problem teknik erdhi si pasojë e goditjes nga rrufeja.

-Advertisement-

“Fluturimi që ka arritur dje në Prishtinë me kompaninë GP Aviation për shkaqe teknike nuk është realizuar në kthim”, ka deklaruar zëdhënësja për informim Valentina Gara.

“Për detaje shtesë ju lusim të kontaktoni kompaninë ajrore”, shtoi zëdhënësja e aeroportit.

Ndryshe, sipas raportimeve në media thuhet se fluturimi i anuluar ishte i paraparë të realizohej për në Nuremberg të Gjermanisë./Gazeta Infokus/

Subscribe në YouTube: GAZETA INFOKUSI
Etiketa:
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

fokus