Gjykata Kushtetuese e Kosovës, në aktgjykimin e saj lidhur me konstituimin e Kuvendit dhe zgjedhjen e Qeverisë, ka sqaruar edhe procedurën që do të ndiqet nëse Kuvendi dështon ta zgjedhë Presidentin e ri të Republikës deri më 6 tetor 2026.

Kushtetuesja ka konstatuar se afati 60-ditor për zgjedhjen e Presidentit ka filluar të rrjedhë më 8 gusht dhe përfundon më 6 tetor. DW News

Në aktgjykim bëhet e qartë se, nëse deri në përfundim të këtij afati Kuvendi nuk arrin ta zgjedhë Presidentin, pasoja është shpërndarja e Kuvendit sipas Kushtetutës.

-Advertisement-

“Në fund, Gjykata rithekson që në rast se pas hyrjes në fuqi të këtij Aktgjykimi, përmes të cilit përcaktohet që Kuvendi deri më 6 tetor 2026 duhet të vazhdojë dhe të përfundojë zgjedhjen e Presidentit, Kuvendi dështon të zgjedhë Presidentin/en e ri/re, Kuvendi, bazuar në nënparagrafin 3 të paragrafit 1 të nenit 82 të Kushtetutës shpërndahet ex constitutione”, thuhet në aktgjykim.

Pra, sipas interpretimit të Kushtetueses, për shpërndarjen e Kuvendit në këtë situatë nuk parashihet një afat tjetër pas 6 tetorit për zgjedhjen e Presidentit. Dështimi për ta përfunduar procedurën brenda afatit sjell pasojën kushtetuese të shpërndarjes së Kuvendit. Kosova.info

Gjykata ka përcaktuar edhe se çfarë ndodh më pas: vendi duhet të shkojë në zgjedhje të parakohshme parlamentare brenda 45 ditëve nga shpërndarja e Kuvendit.

“[…] zgjedhjet e parakohshme për Kuvend duhet të zhvillohen brenda dyzet e pesë (45) ditësh, pas ditës së shpërndarjes së Kuvendit, ashtu siç përcaktohet me paragrafin 2 të nenit 66 [Zgjedhja dhe Mandati] dhe paragrafit 6 të nenit 86 [Zgjedhja e Presidentit] të Kushtetutës”, thuhet më tej në aktgjykim.

Kështu, 6 tetori është afati përfundimtar që Kushtetuesja ia ka përcaktuar Kuvendit për vazhdimin dhe përfundimin e procedurës së zgjedhjes së Presidentit. Nëse Presidenti nuk zgjidhet deri atëherë, Kuvendi shpërndahet sipas Kushtetutës dhe zgjedhjet e parakohshme duhet të mbahen brenda 45 ditëve./Gazeta Infokus 

Udhëto Oslo – Prishtinë çdo javë me PrishtinaTickets

Sponsoruar

-Advertisement-