Lajme

TRONDITËSE- “Më shumë qahet për divorcin sesa vdekjen e një gruaje”

Autori: Gazeta inFokus 21:44 | 07 November 2026

Stigmatizimi i grave vazhdojnë të jenë ndër problemet që ndikojnë në normalizimin e dhunës në familjet kosovare. Në shumë raste, familjarët janë dëshmitarë të konflikteve dhe dhunës, por zgjedhin të mos reagojnë.

Për këtë çështje ka folur psikologia Mirjeta Pestisha, e ftuar në emisionin “Doktor Plus me Arjeta Osmani”, ku theksoi se në shoqërinë tonë vazhdon të ekzistojë bindja se gruaja duhet të durojë, pavarësisht dhunës psikologjike apo presionit që përjeton brenda martesës.

Sipas saj, në shumë familje ku çiftet jetojnë së bashku me prindërit dhe familjarët e bashkëshortit, kontrolli dhe kufizimi i lirisë së gruas vazhdojnë të konsiderohen sjellje normale.

-Advertisement-

“Ende ka çifte të cilët jetojnë me vjehrrin, me vjehrrën, me kunatin, kunatën, të cilët janë rritur me idenë që nuk është kurrgjë. Domethënë, ushtrimi i presionit te gruaja nuk është asgjë, që të ushtrohet dhunë psikologjike te gruaja. Nuk është asgjë që gruaja të mos lejohet të dalë diku”, ka deklaruar Pestisha.

Ajo ka kritikuar veçanërisht mungesën e reagimit të familjarëve, të cilët, edhe kur janë në dijeni të problemeve mes çiftit, shpesh zgjedhin të heshtin.

“Kur është ende normale që e sheh që ai çift po kanë probleme dhe ti qëndron sikur të jetë spektakël dhe ti thjesht nuk reagon, nuk e raporton”, është shprehur psikologia.

Pestisha ka shpjeguar se ky mentalitet lidhet edhe me dallimet ndërmjet gjeneratave, pasi brezat e mëhershëm shpesh janë rritur në ambiente ku nënçmimi, përbuzja dhe dhuna ndaj grave janë konsideruar pjesë normale e jetës bashkëshortore./Gazeta Infokus

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy