Fokus

Eskalon situata në protestën për rrugën Prishtinë – Pejë, policia arreston disa protestues

Autori: Gazeta inFokus 11:46 | 22 April 2024

Edhe të hënën qytetarët e tre fshatrave në Klinë me moton ‘qeveri mos na mbyll bizneset”, kanë protesuar kundër devijimit të rrugës Prishtinë – Pejë.

Për shkak të eskalimit të situatës në protestë policia e Kosovës ka arrestuar disa protestues.

Së shpejti Infokusi ju sjell pamje dhe detajet e fundit prej vendit të ngjarjes.

-Advertisement-

Në pritje të përditësohet…

PAMJE: 3 të arrestuar dhe 4 të lënduar në protestën kundër dvijimit të rrugës Prishtinë – Pejë

Policia e Kosovës kanë konfirmuar për Gazetën Infokus se kanë arrestuar 3 persona në protestën në fshatin Gjorgjevik i madh, pasi kanë penguar punimet për rrugën Prishtinë – Pejë.

Zëdhënësi i Policisë së Kosovës për rajonin e Pejës, Driton Rugova, ka thënë për Infokus se në protestë kanë qenë diku afër 25 qytetarë dhe tre janë arrestuar pasi kanë qëndruar përballë makinerive duke i bllokuar punën, punëtorëve.

“Sot rreth orës 09:40 janë arrestuar tre persona pasi kanë penguar punimet në rrugën Prishtinë – pejë duke qëndruar përballë makinerive. Në këtë protestë janë mbledhur diku rreth 25 persona të cilët kanë penguar procesin e punës”, ka thënë Rugova.

Derisa një protestues (emër i njohur për redaksinë), ka thënë se 4 persona janë lënduar gjatë kësaj proteste dhe përballjes me policinë.

Ai ka thënë se është e vërtet se kanë provuar ti bllokojnë punimet dhe kanë hasur në rezistencë nga policia e Kosovës, të cilët sipas tij kanë thirrur përforcime edhe nga stacioni qendror i Policisë në Pejë.

Kujtojmë se kjo nuk është hera e parë që qytetarët e tre fshatrave janë duke protestuar për mos devijimin e kësaj rruge duke i kërkuar qeverisë që të mos ua mbyll bizneset./Gazeta Infokus/

 

 

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

fokus