Migjen Kastrati, gjyqtar i Gjykatës Themelore në Pejë, kishte marrë një vendim më 16 tetor, përmes të cilit kishte caktuar masë mbrojtëse në periudhën kohore prej gjashtë muajsh për Arlinda Zekajn, e cila u vra të dielën nga kunati i saj me sëpatë.

Në vendimin e turpshëm, gjyqtari Kastrati, ia kishte aprovuar kërkesën e palës së mbrojtjes për urdhrin e mbrojtjes vetëm pjesërisht.

Sipas këtij vendimi, ishte lejuar që viktima dhe dhunuesi të jetojnë në një shtëpi me viktimën.

-Advertisement-

Ai e kishte caktuar një masë qesharake, sipas të cilës, bashkëshorti Jeton Syla, nuk i lejohet t’i afrohej viktimës në distancën prej dy metrash në shtëpinë ku jetonin, ndërsa në rrugë, qytet, shkollë apo vendin e punës në distancë prej 20 metrash.

“LËSHOHET urdhri për mbrojtje për palën e mbrojtur Arlinda Zekaj, me vendbanim në rr. ‘Vëllezërit Gërvalla’, nr. 12 Pejë, ashtu që: I NDALOHET palës përgjegjëse Jeton Sylaj, me vendbanim në fshatin Vitomericë, Komuna e Pejës, afrimi i palës së mbrojtur Arlinda Zekaj, me vendbanim në ‘Vëllezërit Gërvalla’ nr. 12, Komuna e Pejës, në distancë prej 2 metra ne shtëpinë është duke qëndruar tani pala e mbrojtur, në rrugë, qytet, fshat, shkolle dhe vendin e punës në distancë prej 20 metra, si dhe I NDALOHET në të ardhmen të ushtrojnë dhunë fizike dhe psikike, të bllokojnë lëvizjen e viktimës, ofendojnë, shqetësojnë dhe kërcënojnë palën e mbrojtur”, thuhet në vendim.

Në pikën e dytë të vendimit, urdhërohet Jeton Sylaj që ta lejojë palën e mbrojtur, Arlinda Zekaj, të kthehet në shtëpi dhe “ta lejojë të shfrytëzojë shtëpinë të cilën e përdorin së bashku”, në Vitomericë.

Gjykata kishte marrë vendim edhe që kujdesi i fëmijës t’i besohej palës së mbrojtur, përkatësisht nënës së tij Arlinda Zekaj, “në mbajtje, përkujdesje, rritje dhe edukim”.

Disa orë para se të vritej, në një deklaratë në Polici, Arlinda Zekaj e kishte pyetur Policinë se “a duhet të më vrasë mua Jetoni që ju, Policia, atëherë ta arrestoni shizofrenin?”.

Kur shkoi në shtëpi, Arlinda Zekaj u vra me sëpatë nga kunati i saj, i cili gjendet në arrati.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-