Fokus

Hesht pronari i kompanisë që mori mbi 386 mijë euro për rinovimin e çatisë që u shemb dje në Komunën e Prishtinës

Autori: Gazeta inFokus 10:29 | 19 January 2024

Pronari i kompanisë, “NBT-ING SH.P.K”, Zeqir Kryeziu, po hesht pasi sërish u shemb një pjesë e kulmit të komunës së re të Prishtinës, për të cilin kompania e tij kishte fituar tenderin për rinovim në gusht të vitit 2023.

E kësaj here rënia e çatisë pati pasoja të rënda pasi ra mbi një vajzë 23 vejcare e cila mori lëndime të rënda dhe po trajtohet në Klinikën Intenzive në Qendrën Klinike Universitare të Kosovës.

Gazeta Infokus dje gjatë gjithë ditës ka provuar që ta kontaktojë pronarin e kësaj kompanie i cili mori hiq më pak se 386 mijë e 96 euro për rinovimin e çatisë së komunës , mirëpo edhe në rastet kur e hapte telefonin nuk fliste, vetëm dëgjonte.

-Advertisement-

Pas kësaj gazetarja e Infokusit ka provuar që të kontaktojë me të përmes viber-it, në fillim është përgjigjur duke e konfirmuar se ai është pronari i kompanisë, e pasi gazetarja i është prezantuar dhe e ka pyetur për rastin e djeshëm ai përsëri nuk ka kthyer më përgjigje.

Kujtojmë se kjo nuk është hera e parë që “fluturon” çatia e Komunës së Re të Prishtinës, e kjo ishte edhe arsyeja se pse kompania me pronarin, Zeqir Kryeziu kishte fituar tender që ta rinovonte dhe rikonstruonte atë.

Gazeta Infokus kishte raportuar në gusht të vitit të kaluar , që kjo kompani kishte fituar tenderin e komunës në mesin e 15 kompanive të tjera.

Mirëpo kjo nuk është hera e parë që kjo kompani është pjesë e problemeve të tilla. Në vitin 2022 ishte ngritur aktakuzë ndaj Tahir Sopës, përfaqësues i firmave “NBT ING SHPK” dhe “NPN Bajramaj”, i cili po akuzohej se me dokument të falsifikuar kishte fituar tender mbi 800 mijë euro për rinovimin e objektit të Prokurorisë Speciale të Republikës së Kosovës (PSRK).

/Gazeta Infokus/

 

Subscribe në YouTube: GAZETA INFOKUSI
Etiketa:
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…
-Advertisement-

Të tjera

Fokusi

fokus