Fokus

“Ka lëndime gati në gjithë trupin”: Kjo është gjendja e 23 vjeçares që u lëndua pas shembjes të çatisë së Komunës

Autori: Gazeta inFokus 14:28 | 18 January 2024

23 vjeçarja e cila po trajtohet në Emergjencën e Qendrës Klinike Universitare të Kosovës pasi mbi të ra një pjese e çatise së komunës së re të Prishtinës, ka marrë lëndime të rënda trupore.

Këtë për Gazetën Infokus e ka konfirmuar, drejtori i emergjencës në QKUK, Naser Syla, i cili ka thënë se gjendja e saj është stabile mirëpo lëndimet në pothuajse të gjithë trupin janë të rënda.

“Për momentin është në gjendje stabile mirëpo me lëndime të rënda trupore. Është e lënduar në disa pjesë të trupit dhe ka lëndime të rënda”, ka thënë Syla.

-Advertisement-

Rastin për Infokusin e ka konfirmuar edhe policia e Kosovës.

“Rreth orës 13:00, është raportuar se në rrugën “Nora e Hotit”  në Prishtinë,  një person ka marrë lëndime si pasojë e goditjes  nga materiale që janë shkëputur nga çatia e një objekti.  Policia menjëherë ka dalë në vendin e ngjarjes dhe mbështetur në informacionet e para është raportuar për një person të lënduar, femër,  e cila është dërguar në QKUK për trajtimin e nevojshëm mjekësor. Aktualisht policia ka nisur punën për zbardhjen e plotë të të gjitha rrethanave që karakterizojnë ngjarjen”, ka thënë zëdhënësi i policisë së Kosovës, Agron Borovci./Gazeta Infokus/

PAMJET:

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’

Të tjera

Fokusi

fokus