Fokus

Qindra gra të prekura nga kanceri i gjirit në vitin 2023, ky kancer po atakon edhe burrat

Autori: Gazeta inFokus 10:03 | 18 October 2023

Muaji tetor, ndërkombëtarisht njihet si muaj i ndërgjegjësimit për zbulimin e hershëm të kancerit të gjirit.

Ky muaj i ndërgjegjësimit për kancerin e gjirit është një fushatë vjetore ndërkombëtare që synon të informojë dhe të edukojë njerëzit për rëndësinë e shëndetit të gjirit dhe për zbulimin e hershëm të kancerit të gjirit.

Por sa pacientë janë diagnostikuar me kancer të gjirit gjatë vitit 2023 në Kosovë?

-Advertisement-

Sipas të dhënave që ka siguruar Infokus nga Qendra Klinike Universitare e Kosovës, përkatësisht nga Klinika e Onkologjisë, që nga janari e deri në shtator të vitit 2023, 332 gra dhe 4 burra janë diagnostikuar me kancer të gjirit

Ndërkaq, gjatë vitit 2022, me këtë kancer janë diagnostikuar 432 gra dhe 6 burra.

E përpos, rasteve të vitit 2023 dhe 2022, në Klinikën e Onkologjisë po vazhdojë trajtimin edhe mbi 1 mijë gra të prekura nga kanceri i gjirit të cilat përcjellin gjendjen e tyre ose edhe marrin terapi hormonale.

“Për këto 9 muaj janë identifikuar 332 femra me Kancer të Gjirit dhe 4 meshkuj.

Përpos këtyre rasteve të identifikuar sivjet 332 janë edhe mbi 400 nga viti paraprak, plus gratë që janë në ndjekje me follow up ose terapi hormonale, që janë mbi 1000!

Në vitin 2022 janë identifikuar 432 pacient me Kancer të Gjirit femra dhe 6 meshkuj”, thuhet në përgjigjen e Klinikës së Onkologjisë.

Ndiqeni storien e plotë:

Emisioni i plotë:

/Gazeta Infokus/

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

fokus