Bashkim Nurboja, anëtar i bordit të Bankës Qendrore të Kosovës (BQK) po bën “luftë” që për një anëtar të ri të bordit të BQK-së ta dërgoj Arta Hoxhën, edhe pse kjo e fundit sipas konkursit të shpallur nuk e ka plotësuar kriterin bazë për tu ftuar në intervistë siç ka qenë përvoja e punës në menaxhim prej 10 vitesh.

Burime të gazetës Infokus brenda komisionit parlamentar për Buxhet Punë dhe Transfere, bëjnë të ditur se kandidatja Arta Hoxha për të cilën po lobon anëtari i bordit të BQK-së Bashkim Nurboja nuk i plotëson kushtet ligjore për pjesëmarrje, pasi që ajo nuk i ka 10 vite të plota të përvojës në menaxhim, ashtu siç është kërkuar në konkurs. Por, pavarësisht kësaj me aprovimin e shumicës së anëtareve të bordit ajo është ftuar të marrë pjesë në intervistën e organizuar.

Sipas raportit të cilën e ka pranuar komisioni thuhet se Arta Hoxha gjatë intervistimit nuk e ka të qartë të bëjë dallimin ndërmjet rolit të anëtarit të bordit jo ekzekutiv dhe anëtarit të bordit ekzekutiv. Gjithashtu ajo ka mangësi në njohjes e rregullativës ndërkombëtare që është Basel III.

-Advertisement-

Gjithashtu kandidatja në fjalë nuk i njeh mirë objektivat e BQK-së dhe si rrjedhojë nuk ka elaborim adekuat lidhur me veprimet dhe orientimet e BQK-së.

Për përvojën e Hoxhës gjithashtu është diskutuar edhe në komisionin parlamentar për Buxhet Punë dhe Transfere gjatë takimit të fundit që kanë mbajtur.

Deputeti i LDK-së, Avdullah Hoti, ka thënë se kandidatja Arta Hoxha, nuk e ka përvojën e duhur për këtë pozitë.

“Paneli vetëm i ka citu nenet e ligjeve të BQK-së dhe nuk ka dhënë sqarim pse i plotësojnë kushtet. Njëri nga kandidatët, kandidatja e parë nuk i plotëson as kushtet formale, Arta Hoxha. Paneli intervistues nuk e ka kryer punën siç duhet. Arta Hoxha nuk e ka përvojën 10-vjeçare. Nuk jam se ne si komision të ja dërgojmë Kuvendit. Nuk jam me anuluar konkursin por ta shqyrtojmë edhe një herë. Mendoj që këto propozime nuk duhet me shku në kuvend në veçanti kandidatin e parë që bie ndesh qartësisht me ligjin”, tha Hoti./Gazeta Infokus/

Raporti i vlerësimit:

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-