U shpall më e suksesshmja në Botë, nxënësja nga Kosova la prapa Serbinë në garën e zhvilluar në Danimarkë
![](https://gazetainfokus.com/wp-content/uploads/2022/04/Altina-Salihu1-852x460.jpg)
Autori: Gazeta inFokus
22:50 | 17 April 2022
Një nxënëse nga komuna e Skenderajt, së fundi u bë zë i shumë talentëve kosovarë, me apelin e saj që vendi t’i ndihmojë në arritjen e aspiratave të tyre.
Duke qenë se Altina Salihu, ditë më parë njoftoi se ka arritur t’i tregojë botës për potencialin e të rinjve që ka Kosova, ajo po kërkon mbështetje tutje nga institucionet kosovare.
Salihu për Klankosova.tv, tha se përveç këtij të fundit ku u shpall Nxënësja më e Suksesshme në Botë deri në moshën 17 vjeçare, ka pasur edhe suksese të tjera përgjatë viteve.
”Unë i kam zhvilluar tre gara. Njërën në lëndën e gjeografisë vitin e kaluar, e kemi mbajtur online. Në mesin e 145 shteteve, ku e kam zënë vendin e parë, pastaj në janar të vitit 2022, në garën për drejtësi në Poloni në mesin e 70 shteteve e kam zënë vendin e dytë, ndërkaq në mars të këtij viti është mbajtur gara për bullizëm. Në mesin e 105 shteteve e fitova vendin e parë”.
Nxënësja e klasës së XI-të në drejtimin Shkenca Shoqërore të gjimnazit “Hamëz Jashari” në Skenderaj tregoi tutje për Klankosova.tv se si është përzgjedhur për të qenë pjesë e këtyre garave.
”Garat kanë qenë mes nxënësve të shteteve të ndryshme. Në fillim kemi mësuar në lëndën e gjeografisë me profesor të ndryshëm në grupe. Më pas më njoftuan për garën e gjeografisë. Kam hyrë në test që e kemi mbajtur online. Ka qenë goxha i vështirë”.
Ajo madje me talentin e saj, mundi edhe Serbinë, e cila ishte pjesë e kësaj gare, e cila zhvillohet nga shteti i Danimarkës tash e 10 vjet.
”Në këto gara është dashur që të përgjigjemi gojarisht, domethënë në këto dy garat e fundit, ndërsa vetëm gara e gjeografisë është mbajtur online për shkak të pandemisë. Kemi pasur pyetje të ndryshme, përgjigjet e tyre ishin edhe me alternative”.
”Edhe Serbia ka qenë në gara”.
”Tani e 10 vite në shtetin e Danimarkës po shpalleshin nxënësit më të suksesshëm dhe Kosova tani do të thotë doli e para falë sukseseve te mija botërore ku e quajtën “World Talents”, dhe sipas moshave do të shpallen ku do të jenë prezentë edhe udhëheqës të shteteve tjera”.
Ajo theksoi se për të ishte një nder i madh t’i tregojë botës së Kosova mund të bëj gjëra të veçanta.
”Ishte një ndjenjë dhe një emocion i veçantë pas fitores, të garoja nën ngjyrat e flamurit të Kosovës, ishte krenari dhe privilegj, thjesht duke qenë në gjendje t’i tregojmë botës edhe pse jemi një vend i vogël mund të bëjmë gjera të veçanta, dhe të konkurrojmë në nivel të lartë në platformat më të larta”.
Altina Salihu shtoi se mbështetje për këto gara ka pasur vetëm nga Komuna e Skenderajt, derisa tregoi se ka pasur edhe oferta për bursë studimi nga disa vende.
16 vjeçarja iu bëri thirrje institucioneve që të angazhohen për të rinjtë dhe mos t’i lënë ata që të ikin në vendet e tjera.
”Disa muaj më parë më ofruan bursë në një universitet në Amerikë për të vazhduar studimet në Astronomi. Para disa javësh po ashtu më ofruan bursë në një universitet tjetër në Danimarkë për të vazhduar studimet në Psikologji, në nivelin bachelor si dhe master”.
”Ajo që po mundohem të them është se Kosova jonë e dashur po humb dita-ditës shumë të rinj ambiciozë e që janë çelës i sukseseve të shteteve të zhvilluara perëndimore. Të dashur udhëheqës të vendit tim. Ju lutem më bëni që t’i refuzoj këto oferta. Unë dua të kontribuoj në vendin tim. Aty ku jetojnë prindërit e mi, aty ku kam miq, aty ku kam shokë, ku kam zemrën edhe mendjen. Punoni për popullin, harroni urrejtjen dhe mbi të gjitha harrojini karriget e juaja që po ju mbajnë peng. Në fund, hapini dyert mendjeve të reja që kanë mësuar më mirë se ju ta duan dhe ta ndërtojnë atdheun. Ndaluni dhe mendoni, ne kemi një shpresë, ajo është rinia e cila me anë të vullnetit të mirë sjell përparim”.
Derisa vet kryetari i komunës së Skenderajt, Fadil Nura, e ka mirëpritur reagimin e nxënëses duke e cilësuar të qëlluar.
Nura u shpreh për Klankosova.tv, se do kërkojë tek institucionet kompetente për t’i siguruar përkrahje nxënësve dhe studentëve që i sjellin rezultate suksesi, komunës së Skenderajt e Kosovës.
”Ne si komunë i kemi ofruar përkrahje për garat në fjalë edhe me mjete financiare me aq sa kemi pasur mundësi”.
”Reagimi i saj ka qenë i pavarur dhe me vend. Mendoj që institucionet duhet të bëjnë më shumë që t’i përkrahin nxënësit e studentët ambiciozë të cilët edhe na sjellin suksese”.
”Edhe unë si kryetar do të bëj aq sa kam mundësi. Do ta ngris zërin tek institucionet kompetente që t’iu ndihmohet nxënësve që ju sjellin suksese komunës së Skenderajt dhe Kosovës”.
![](https://gazetainfokus.com/wp-content/uploads/2024/03/Alan-Greenberg-UNI-NEW-03-e1709546819299-770x4001-1.jpg)
Të tjera
-
“A ta ka rrok lemza najkan te shtëpia”, Gold Ag e ofendon gazetarin Vullnet Krasniqi
Fyerje dhe ofendime u bën nga këngëtari i njohur Gold Ag pas një “video-komen...
-
Gjendet i vde kur në Hajvali personi që u raportua i zhdukur, dyshohet se qentë ia ‘mas akruan’ fytyrën
Një rast i rëndë ka ndodhur sot në Hajvali të Prishtinës, ku u gjet i vdekur ...
-
Rubin: Raportet Kosovë-SHBA s’janë aq të mira, ka shqetësime për atë si e trajtoi Qeveria Asociacionin
I dërguari i posaçëm dhe koordinatori i Qendrës për Angazhimin Global të Depa...
-
Takimi Kurti-Vuçiq, zyrtarja e PSD-së : S’po du me ia qëllu e me dalë fjalët e mia
Qeveria e Kosovës ka konfirmuar takimin e kryeministrit të Kosovës, Albin Kur...
-
Ilir Meta ndahet nga bashkëshortja: Njoftova edhe djalin
Ish-presidenti Ilir Meta ka konfirmuar ndarjen nga Monika Kryemadhi. N...
-
Go ditet grupi kriminal që dyshohet se merrej me fajde, arrestohen tre persona
Policia e Kosovës ka njoftuar se janë arrestuar tre persona që dyshohet se ja...
-
Abdixhiku takohet me Guerot, flasin për situatën politike e ekonomike në vend
Kryetari i LDK-së, Lumir Abdixhiku, është takuar me ambasadorin e Francës në ...
-
Zemaj: Kurti mund të arrijë një tjetër aneks marrëveshje me Serbinë
Lidhja Demokratike e Kosovës dyshon se kryeministri i Kosovës, Albin Kurti mu...
-
Specialja ia vazhdon paraburgimin Thaçit dhe Veselit
Dhomat e Specializuara të Hagës kanë bërë të ditur se më 14 qershor Trupi Gjy...
-
“Pagën mesatare në sektor publik do ta bëjmë 1 mijë euro” –Besnik Tahiri shpalos programin zgjedhor të AAK-së
Shefi i Grupit Parlamentar të Aleancës për Ardhmërinë e Kosovës, Besnik Tahir...
-
Kryeministri holandez Rutte pritet të emërohet sekretar i përgjithshëm i NATO-s
Presidenti rumun Klaus Iohannis njoftoi të enjten se po e tërheq kandidaturën...
-
Vlora Çitaku viziton Thaçin në Hagë: Më pyeti cilën kombëtare e përkrah në Evropian
Zyrtarja e lartë e PDK-së dhe ish-ambasadorja e Kosovës në SHBA, Vlora Çitaku...