Veriu i Kosovës mbetet i barrikaduar
Autori: Gazeta inFokus 09:18 | 12 December 2022
Pjesa veriore e Kosovës vazhdon të mbetet e bllokuar, dy ditë pas vendosjes së barrikadave nga serbët në shenjë proteste për arrestimin e ish-policit Dejan Pantiq.
Të shtunën mbrëma pati edhe incidente, ku serbët shkëmbyen zjarr me policinë, si dhe rrezikuan sigurinë e gazetarëve që po raportonin nga afër barrikadës së vendosur në Rudarë, pasi hodhën shok-bomba pranë tyre.
Ndërkaq, e diela ishte më e qetë, por që u përcoll me reagime nga ndërkombëtarët.
Ambasada e Shteteve të Bashkuara të Amerikës në Prishtinë dhe ajo në Beograd, në një deklaratë të përbashkët, bënë thirrje që të hiqen barrikadat e vendosura në ato zona.
Pas Shteteve të Bashkuara të Amerikës, ka reaguar edhe Britania e Madhe e cila po ashtu tha se pret që të hiqen barrikadat ilegale të vendosura në rrugët që çojnë në dy pikat kufitare në Bërnjak dhe Jarinje, njofton Klankosova.tv.
Reagime pati edhe nga kryediplomati evropian, Josep Borrell, pas sulmeve me shok-bombë ndaj një patrulle të EULEX-it në Zveçan. “BE-ja nuk do të tolerojë sulmet ndaj EULEX-it ose përdorimin e akteve të dhunshme kriminale në veri. Barrikadat duhet të hiqen menjëherë nga grupet e serbëve të Kosovës”, ka thënë Borrell. Megjithatë, ai, përkundër ambasadorëve të QUINT-it, nuk i dënoi sulmet ndaj Policisë së Kosovës. E për këtë, reagoi ministrja e Jashtme dhe e Diasporës, Donika Gërvalla, e cila tha se Borrelli duhet të dënojë edhe të shtënat ndaj policëve të Kosovës. Sipas saj, deklaratat që nuk dënojnë Vuçiqin për agresionin e tij të hapur, inkurajojnë përshkallëzimin e mëtejshëm.
Ndryshe nga Borrelli, ministrja e Jashtme e Gjermanisë, Annalena Baerbock, tha se Kosova i uli tensionet duke i shtyrë zgjedhjet lokale, ndërsa shtoi se Serbia po e bën të kundërtën. Sipas saj, ideja Vuçiqit për dërgimin e forcave serbe në Kosovë është krejtësisht e papranueshme. Presidenti i Serbisë Aleksandar Vuçiq, ka thënë se do t’i kërkojnë KFOR-it dislokimin e një numri të ushtarëve dhe policëve serbë në Kosovë, bazuar në rezolutën 1244 të Këshillit të Sigurimit të OKB-së. Por, ish-zëdhënësi i KFOR-it, Vincenzo Grasso, deklaroi se kthimin e ushtarëve serbë s’do ta lejojë kurrë NATO-ja.
Kryeministri i Shqipërisë, Edi Rama, po ashtu ka dënuar sulmet mbi EULEX-in dhe Policinë e Kosovës, duke shtuar se rishfaqja e barrikadave në veri bie ndesh me frymën e dialogut. Rama i bëri thirrje urgjente BE-së që të ftojë palën kosovare dhe atë serbe në takim.
Shefi i Misionit Evropian për Sundim të Ligjit, Lars Gunnar- Wigemark, tha se dhuna në veriun e Kosovës duhet të ndalet urgjentisht.
Të tjera
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...