Lajme

Vdes në QKUK këmbësori që u godit nga vetura ditë më parë në Lipjan

Autori: Gazeta inFokus 09:39 | 30 November 2022

Mbrëmjen e së martës, ka vdekur, pacienti që po trajtohej në Qendrën Klinike Universitare të Kosovës si pasojë e plagëve të shkaktuara në një aksident në Lipjan javën e kaluar, shkruan Gazeta Infokus.

Policia njoftoi se trupi i pajetë u dërgua në IML për obduksion me vendim të prokurorit.

“Është raportuar se viktima mashkull kosovar i cili ishte në trajtim në QKUK si pasojë e lëndimeve të marra në aksident trafiku sot me datë 29.11.2022 ka ndërruar jetë. Me vendim të prokurorit trupi i pa jetë është dërguar në IML për obduksion”, ka raportuar policia.

-Advertisement-

Kujtojmë se aksidenti ka ndodhur në rrugën “Lidhja e Prizrenit”, dhe në lidhje me rastin është arrestuar një person i dyshuar.

“Lipjan (NN) 12.11.2022 – 21:00. Është arrestuar vozitësi mashkull kosovar pasi që me veturë nga pa kujdesia ka goditur këmbësorin mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhej në raportin policor për datën 12.11.2022./Gazeta Infokus/

Subscribe në YouTube: GAZETA INFOKUSI