Lajme

Gruda, Deharit: S’pati guxim ta lexojë aktgjykimin deri në fund – votimi i fshehtë, shkelje kushtetuese

Autori: Gazeta inFokus 22:10 | 06 July 2025

Deputeti i PDK-së, Përparim Gruda, i ka reaguar kryesuesit të seancës konstituive, Avni Deharit të VV-së, i cili insistoi se pyetja e deputetëve për votim të fshehtë ose jo në seancë konstituive do të ishte shkelje kushtetuese

Sipas Grudës, Dehari më në fund pranoi një të vërtetë nga aktgjykimi i Kushtetueses se në seancën konstituive nuk lejohen mocione procedurale.

“Por, për fat të keq, nuk pati guximin ta lexojë aktgjykimin deri në fund. Paragrafi 187 i aktgjykimit thotë qartë: (…)zhvillimi dhe përfundimi i Seancës Konstituive duhet të udhëhiqet në pajtim me përcaktimet kushtetuese për konstituimin e Kuvendit, Kreun IV (Konstituimi i Kuvendit) të Rregullores së Kuvendit dhe praktikat e deritanishme parlamentare për konstituimin e Kuvendit të Republikës së Kosovës”..

-Advertisement-

“Cila ka qenë ajo praktikë e deritanishme parlamentare? Votimi i hapur. Gjithmonë”, shkroi Gruda.

Sipas deputetit të PDK-së, Dehari nuk ka të drejtë ta hedhë në votim propozimin për Komision për Votim të Fshehtë, sepse sipas tij, kjo shkel drejtpërdrejt paragrafin 187 të aktgjykimit kushtetues.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme