Lajme

Vdes i riu që u aksidentua në Dubravë të Istogut

Autori: Gazeta inFokus 23:20 | 06 July 2025

Ka ndërruar jetë i riu që ishte aksidentuar më 29 qershor në fshatin Dubravë të Istogut.

Lajmin e ka konfirmuar zëdhënësi i Policisë për rajonin e Pejës, Fadil Gashi.

Ai bëri të ditur se viktima ishte duke u trajtuar në Qendrën Klinike Universitare të Kosovës (QKUK).

-Advertisement-

“Ka ndërruar jetë njëri prej të aksidentuarve me datën 29 qershor në fshatin Dubravë të Istogut. Viktima ka qenë duke u trajtuar në QKUK. Në orët e pasdites jemi njoftuar se ka vdekur. Me urdhër të prokurorit, trupi i pajetë është dërguar në IML për obduksion”, thuhet në njoftimin e policisë.

Sipas raportimeve viktima G.M., ishte pasagjer në veturën tip Volkswagen Golf, ngjyrë e kuqe, e cila po drejtohej nga i mituri, B.M.. Gjatë qarkullimit në aksin Istog–Rakosh, shoferi kishte humbur kontrollin mbi automjetin dhe pas daljes nga rruga, vetura ishte rrokullisur disa herë.

Të dy të rinjtë kishin pësuar lëndime trupore, por G.M., pas disa ditësh në gjendje të rëndë shëndetësore në QKUK – Prishtinë, ka ndërruar jetë më 6 korrik 2025.

Subscribe në YouTube: GAZETA INFOKUSI
Bileta të lira nga Prishtina drejt Stockholm me PrishtinaTicket!
-Advertisement-

Të tjera

Fokusi

lajme