Lajme

Si përfundoi me vrasje miqësia shumëvjeçare e të rinjve në Ferizaj?

Autori: Gazeta inFokus 20:12 | 28 May 2022

Të shtunën pas mesnatën ka mbetur i vdekur 30 vjçari Gazmend Hyseni, vdekjen e të cilit dyshohet se e shkaktoi bashkëmoshatari tjetër Qëndrim Januzaj në Ferizaj.

Motivet e qarta të vrasjes ende nuk dihen, por dyshohet se viktima dhe i dyshuari dy vitet e fundit e kishin krisur miqësinë e tyre.

I dyshuari është vëllai i reperit Betim Januzaj i njohur me nofkën Buta, i cili kishte mosmarrëveshje me një tjetër këngëtarë me të cilin viktima kishte filluar të shoqërohej. Kështu më pas kishin nisur problemet mes tyre.

Klani ka qëndruar edhe tek familja e të dyshuarit, po këta nuk pranuan të flasin asgjë, as për raportet e mëparme mes tyre, e as arsyen që kishte dërguar deri tek kjo ngjarje tragjike.

I plagosur në vend ka mbetur edhe i dyshuari pasi që ia kishte drejtuar armën zyrtarëve policor civil që kishin rastisur të jenë prezent.

E këta të fundit për të shmangur rrezikun kishin qëlluar në drejtim të tij. 30 vjecari ka marrë lëndime të lehta, ndaj është dërguar për trajtim në Qendrën Klinike Universitare të Kosovës.

Ndaj tij është caktuar masa e paraburgimit prej 48 orësh derisa organet e rendit si prova materiale kanë konfiskuar dy armë zjarri dhe 7 gëzhoja.

Të tjera