Rritet numri i vrasjeve në Kosovë, armët ilegale shqetësim për shoqërinë
Autori: Gazeta inFokus 18:40 | 29 May 2022
Ngjarja e së premtes në Ferizaj ka tronditur opinionin publik pasi 30-vjeçari, Qendrim Januzi ka vrarë me armë zjarri Gazmend Hysenin, ndërsa autori i këtij rasti mbeti i plagosur, si dhe një polic i cili ndërhyri në rast. Por, ky nuk ishte rasti i vetëm deri më tash. Gjatë katër muajve të parë 2022i në Kosovë kanë ndodhur 25 vrasje, duke mos përfshirë muajin maj, ndërsa më 2021 kanë ndodhur 27 vrasje.
Ndërkohë si problem shihet edhe mbajtja e armëve ilegale, për të cilat thuhet se janë mbi 250 mijë. Në vitin 2021, policia ka konfiskuar 1.280 armë pa leje, ndërsa numri i municionit të konfiskuar është 42.031. Ndërsa sipas ekspertit të sigurisë, Nuredin Ibishi, këto vrasje po kryhen nga armë ilegale.
Ibishi ka thënë për KosovaPress se trendi i vrasjeve me armë zjarri ndryshon, por shqetësuese mbetet numri i madh i armëve ilegale te qytetarët.
“Kemi raste të vrasjeve të rënda dhe vrasje të rëndomta, dhe trendi nganjëherë është rritje dhe ulje. Shqetësuese është një numër i madh i armëve te qytetarët, armëve ilegale, pasi zakonisht nga këto kryhen edhe vrasjet. Shqetësimi tjetër është që derisa policia po e jep vendimin përfundimtar, pra shqetësimi te qytetarët dhe te familjarët e viktimave është që këta nuk po e marrin vendimin përfundimtar”, tha Ibishi.
Sa i përket armëve ilegale, në një përgjigje me shkrim nga Policia e Kosovës, kanë thënë se në vazhdimësi po ndërmarrin veprime konkrete për parandalim të aktiviteteve të kundërligjshme.
“Policia në vazhdimësi ka ndërmarrë veprime konkrete për parandalim të aktiviteteve të kundërligjshme, qoftë përmes operacioneve policore për konfiskimin e armëve ilegale apo edhe përmes fushatave të ndryshme për vetëdijesim për të gjitha aktivitetet e kundërligjshme që mund të ndikojnë drejtpërsëdrejti apo tërthorazi në rrezikimin e sigurisë së përgjithshme”.
Ndërsa sa i përket kësaj çështjeje, Ibishi thotë se njëherë është bërë liberalizmi i armëve ilegale, por nuk ka përmbushur pritjet pasi nuk janë bërë përgatitjet e duhura. Ndërsa ka përmendur edhe rastin e fundit në Ferizaj, ku sipas tij kjo vrasje është kryer me armë ilegale.
“Kur flasim për armët ilegale njëherë është bërë liberalizimi rreth tri vjetëve dhe kjo realisht nuk kishte ndonjë rezultat apo sukses të shumëpritur, për shkak që nuk u bënë përgatitjet e duhura për legalizim të armëve për qytetarët. Ato (armët) ushtarake dhe mjetet eksplozive tjera konfiskohen. Nevojiten mënyra tjera për të ulur numrin e madh të armëve ilegale pasi zakonisht me këto armë po kryhen vrasjet në Kosovë, sikurse edhe rasti i fundit të premten në Ferizaj”, tha ai.
Edhe qytetarët shprehen të shqetësuar me vrasjet në Kosovë. Januz Dautaj thotë për KosovaPress se dënimet duhet të jenë më të ashpra.
“Është keq, dukuri e vrazhdë dhe e dëmshme, sepse janë pastaj konflikte që nuk ndalen… Shteti në rastet e kryerjes së vrasjeve duhet të reagojë më shpejt, pasi nuk janë efikas. Nuk duhet të zvarriten procedurat dhe politika e gjykimeve duhet të jetë më e ashpër”, tha ai.
Ndërsa Arben Kasapolli thotë se vrasjet janë shpeshtuar dhe institucionet duhet ndërmarrin urgjentisht masa, ndërkohë që edhe shoqëria duhet të vetëdijesohet lidhur me këtë çështje.
“Është shumë keq. Kjo është tragjedi kombëtare, janë duke ndodhur shpesh dhe duhet ndërmarr masa… Besoj që Policia e Kosovës është duke e bërë një punë fenomenale, por shoqëria në përgjithësi duhet të vetëdijesohet”, tha ai.
Qytetari tjetër, Januz Gexhuli thotë se organet e sigurisë duhet të shtojnë numrin e kontrollit të armëve pa leje, sidomos te të rinjtë.
“Organet e sigurisë duhet të kenë më shumë kontrolle te njerëzit për armëmbajtje pa leje, sidomos te të rinjtë, nëpër shkolla dhe duhet të fokusohen në vetura… Pavarësisht se kemi respekt për Policinë e Kosovës, disponimi i tyre është më shumë për të dhënë gjoba në komunikacione, por jo në çështjen e sigurisë”, tha ai
Ndërsa Ismet Selimi mendon se arsyeja e vrasjeve ndërlidhet me bazën e dobët ekonomike në Kosovë.
“Shteti i dobët, të ardhurat e vogla, kriza ekonomike, i shkakton të gjitha këto. Baza ekonomike si të jetë e dobët, njerëzit merren me çdo gjë”, tha ai. /kp/
Të tjera
-
Ish-ambasadori i Shqipërisë: Asociacioni, kusht që nuk lidhet me Këshillin e Evropës
Ish-ambasadori i Shqipërisë në Kosovë, Arben Çejku, ka thënë se vendosja e As...
-
Momenti kur Edi Rama i përkulet shqiptarëve në Greqi
Në një fjalim të mbajtur në Athinë, kryeministri i Shqipërisë, Edi Rama, mori...
-
Ja kur pritet të hapet pishina e Gërmisë
Stina e verës po afron, ndërsa për qytetarët e kryeqytetit, Pishina e Gërmisë...
-
“I vdiq djali përpara…”- Halil Kastrati rrëfen historinë prekëse me ish-ushtarin e UÇK-së!
Humanisti i njohur, Halil Kastrati, në një intervistë dhënë për dokumentarin ...
-
Çejku: Presidentja Davkova, e pamatur në shmangien e emrit kushtetues të Maqedonisë së Veriut
Arben Çejku, drejtor ekzekutiv i Qendrës për Qeverisje të Mirë tha për Zërin ...
-
Nesër takohen Kurti e Krasniqi, në tavolinë dy tema
Kryeministri Albin Kurti do të presë të hënën në takim kryetarin e Partisë De...
-
Sveçla dhe Hoxha vizitojnë policin që u plagos gjatë intervenimit në një vjedhje në Kishën e Zllakuqanit
Ministri i Punëve të Brendshme, Xhelal Sveçla dhe Drejtori i Policisë së Koso...
-
Rama reagon pas takimit me shqiptarët në Athinë: Faleminderit nga zemra, hapim një kapitull të ri vëllazërimi me Greqinë
Kryeministri Edi Rama përmbylli ndalesën e parë të rrugëtimit në komunitetet ...
-
Falsifikimi i euros, Banka e Shqipërisë apelon tek qytetarët për kujdes
Monedha kombëtare në qarkullim, në fund të vitit 2023, arriti në 408 miliardë...
-
Sveçla shfaqet duke lundruar në Ujman
Ministri i Punëve të Brendshme, Xhelal Sveçla këtë të diel ka lundruar në Liq...
-
Kurti flet për projekte infrastrukturore: Do kontribuojnë në lidhjen e shqiptarëve
Kryeministri Albin Kurti, ka folur dje në Prizren për projekte infrastrukturo...
-
Haradinaj: Rahoveci e dëshmoi kontributin ndaj Atdheut përmes shumë luftëtarëve të zotë, sa që edhe historia do të rrëfejë për ta
Kryetari i Aleancës për Ardhmërinë e Kosovës (AAK), Ramush Haradinaj, ka marr...