Prokuroria i reagon Haxhiut pasi kërkoi shkarkimin e kryeprokurorit dhe prokurorit për rastin e 11-vjeçares
Autori: Gazeta inFokus 15:00 | 03 September 2022
Nga Prokuroria Themelore e Prishtinës i kanë reaguar Ministres së Drejtësisë, Albulena Haxhiut, e cila i akuzoi se s’vepruan me kohë dhe sipas përgjegjësisë në rastin e 11-vjeçares, e cila dyshohet se ishte trafikuar dhe dhunuar edhe në muajin qershor. Deklaratat e Haxhiut, Prokuroria i ka quajtur të pabaza dhe të papranueshme.
Nga kjo Prokurori kanë thënë se trajtimi i rastit të 11 vjeçares nga ana e Prokurorit të Shtetit është bërë konform të gjitha dispozitave ligjore të cilat janë ndërmarrë në kohë dhe në mënyrë profesionale, në koordinim me institucionet e tjera relevante.
“Prokuroria Themelore në Prishtinë siguron edhe njëherë opinionin publik se trajtimi i rastit të 11 vjeçares nga ana e Prokurorit të Shtetit është bërë konform të gjitha dispozitave ligjore të cilat janë ndërmarrë në kohë dhe në mënyrë profesionale, në koordinim me institucionet e tjera relevante, andaj, për ne janë të pabaza dhe të papranueshme deklarata të tilla publike”, thuhet në reagim.
Aty përmendet edhe një kërkesë për angazhimin e një psikologu pranë kësaj prokurorie, për të cilën kanë thënë se nuk është aprovuar asnjëherë me arsyetimin se nuk ka mjete buxhetore.
“Në vazhdën e kërkesave të kësaj prokurorie drejtuar organeve ekzekutive ka qenë kërkesë esenciale angazhimi i një psikologu pranë kësaj prokurorie, në trajtimin e çështjeve penale, sidomos atyre për të mitur, e cila kërkesë nuk është aprovuar asnjëherë me arsyetimin se nuk ka mjete buxhetore për ta mbuluar të njëjtën kërkesë, derisa e theksojmë se Prokurori i Shtetit ka vazhduar të trajtojë raste të tilla penale dhe do të mbetet i përkushtuar për përmbushjen e obligimeve kushtetuese dhe ligjore lidhur me këtë rast dhe të gjitha rastet e tjera të cilat i ka në trajtim, gjithmonë duke e ruajtur ndarjen e pushteteve dhe pavarësinë institucionale”, thuhet në reagim.
Ministrja e Drejtësisë, Albulena Haxhiu, ka reaguar pas arrestimit të gjashtë personave, të cilët dyshohet se e kanë trafikuar dhe dhunuar 11-vjeçaren në qershor të këtij viti, duke pyetur se pse nuk veproi Prokuroria e Prishtinës atëherë kur ndodhi rasti.
Ajo ka kërkuar dorëheqjen e Kryeprokurorit të Prokurorisë Themelore në Prishtinë, Kujtim Munishit dhe prokurorit të rastit, raporton Express.
“Pse nuk vepronte Prokuroria Themelore në Prishtinë në muajin qershor? Pse nuk u arrestuan asokohe personat e dyshuar? Pse dy muaj me vonesë? Më e pakta që do të duhej të ndodhte është dorëheqja e kryeprokurorit të Prokurorisë Themelore në Prishtinë dhe prokurorit që ka qenë i ngarkuar ne rastin në muajin qershor. Pa pasur dorëheqje dhe shkarkime të atyre që nuk vepruan në kohë dhe sipas përgjegjësisë, fatkeqësisht mund të kemi viktima të tjera”, ka shkruar Haxhiu.
Gashtë persona janë arrestuar dje, nën dyshimin se e kanë trafikuar në qershor, 11-vjeçaren që u dhunua të shtunën nga pesë persona, raporton Express.
Sipas komunikatës së përbashkët të Prokurorisë Themelore të Prishtinës dhe Policisë së Kosovës, të arrestuarit, të cilët janë të moshës madhore, dyshohen për kryerjen e veprave penale “Trafikimi me njerëz”, ”Shërbimet seksuale të viktimës së trafikimit” dhe “Dhunimi”.
“Gjashtë personat e dyshuar (madhor), dyshohet se janë përfshirë në veprimtari penale, gjegjësisht si të dyshuar për kryerjen e veprave penale “Trafikimi me njerëz”, ”Shërbimet seksuale të viktimës së trafikimit” dhe “Dhunimi’”, si dhe, në bazë të provave dhe dëshmive të siguruara deri më tani nga hetimet e zhvilluara, dyshohet se janë të përfshirë në rastin e qershorit, ku e mitura ishte raportuar si person i zhdukur”, thuhet në komunikatë.
Të tjera
-
Breshër i madh në Suharekë
Reshje të mëdha të shiut të përcjella edhe me breshër kanë përfshirë sot komu...
-
Kurti në takim me Sarrazinin: Këtë vit presim më shumë rezultate nga Procesi i Berlinit
Kryeministri i Kosovës, Albin Kurti, në një postim të bërë në platormën “X” k...
-
A do të heq dorë sot Abdixhiku nga kërkesa për dorëheqjen e Kurtit, duke krijuar mundësinë për zgjedhje të parakohshme?
Dy partitë opozitare, Lidhja Demokratike e Kosovës dhe Aleanca për Ardhmërinë...
-
Kurti: Zvicra, një ndër investitorët kryesorë në Kosovë me 1.1 miliard euro investime
Kryeministri i Kosovës, Albin Kurti, i shoqëruar nga Ministrja për Industri, ...
-
Konjufca uron Afrim Gashin pasi u zgjodh krykuvendar në Maqedoni të Veriut: Mezi pres t’ia nisim bashkëpunimit
Kreu i Kuvendit të Kosovës, Glauk Konjufca, e ka uruar Afrim Gashin pasi ësht...
-
Mashtrohen pensionistët, policia nis hetimet për identifikimin e grupit
Policia e Kosovës, me datë 13 maj 2024 ka pranuar autorizim nga Prokurori kom...
-
Afrim Gashi zgjidhet kryetar i Kuvendit të Maqedonisë së Veriut
Afrim Gashi është zgjedhur kryetar i Kuvendi të Maqedonisë së Veriut. Ai u...
-
Dorëzohen në polici tre persona nga 6 të dyshuarit për plagosjen në Prizren
Janë vetëdorëzuar në polici edhe tre persona nga gjashtë të shpallurit në kër...
-
Netanyahu deklarohet për sülmin në Rafah
Kryeministri Benjamin Netanyahu deklaroi se sulmi izraelit në qytetin jugor t...
-
Nga 1 qershori bllokohet një pjesë e rrugës Kaçanik-Hani i Elezit
Ministria e Mjedisit, Planifikimit Hapësinor dhe Infrastrukturës ka njoftuar ...
-
“Si në bahçe të babës”, mërgimtari kalon me veturë midis sheshit të Prishtinës, as nuk i’a nin për ligjin (PAMJE)
Një veturë e një mërgimtari ka kaluar në mes të sheshit të martën rreth orës ...
-
Rreth 600 mijë është numri i të regjistruarve nga diaspora, procesi vazhdon
Ylli Shala, menaxher i projektit në Agjencinë e Statistikave, ka njoftuar se ...