Lajme

Prizren: Dhu*ohet një e mitur nga dy burra, policia sërish me raport skanadaloz për rastin

Autori: Gazeta inFokus 09:46 | 22 March 2024

Një e mitur dyshohet se është dhunuar nga dy persona në Prizren, shkruan Gazeta Infokus.

Vajza ishte zhdukur me datën 16 mars derisa pas dy ditësh ishte gjetur nga policia me dy burra, të cilët dyshohet se e dhunuan atë.

E rastin edhe më tragjik e bën raportimi i policisë, ku thuhet se “Viktima ka deklaruar gjatë atyre dy ditëve kishte qenë në shoqërim të dy personave, me të cilët kishte dyshohet se kishte kryer veprën e lart-cekur (dhunimin).

-Advertisement-

Pra sipas këtij raporti e mitura ka kryer dhunimin me dy personat e dyshuar.

Sipas policisë e mitura është dërguar për ekzaminim mjekësor ndërsa dy të dyshuarit janë dërguar në mbajtje.

Ky është raporti i plotë i policisë:

“DHUNIM

Prizren 16-18.03.2024. Më 16.03.2024 në stacionin policor, nga familjarët ishte raportuar si person i zhdukur viktima femër kosovare e mitur, ndërsa me datën 18.03.2024 sektori i hetimeve rajonale pas një pune intensive ka arritur që viktimën e mitur ta gjejë. Viktima ka deklaruar gjatë atyre dy ditëve kishte qenë në shoqërim të dy personave, me të cilët kishte dyshohet se kishte kryer veprën e lart-cekur. Është njoftuar prokurori i cili ka urdhëruar që viktima e mitur të dërgohet për ekzaminim mjekësor. Lidhur me rastin janë identifikuar dhe arrestuar dy të dyshuar meshkuj kosovarë dhe të njëjtit pas intervistimit me vendim të prokurorit janë dërguar në mbajtje.”.

Kujtojmë se një rast i ngjashëm ndodhi këtë muaj edhe në Malishevë, ku një e mitur u zhduk dhe më vonë u gjet në Drenas me dy burra të cilët e kishin dhunuar të miturën. Policia edhe në këtë rast kishte bërë një raportim pothuajse të ngjashëm./Gazeta Infokus/

Subscribe në YouTube: GAZETA INFOKUSI