Lajme

Policia rumune identifikon huliganët që shpalosën banerin, akuzon federatën për organizim

Autori: Gazeta inFokus 11:35 | 13 September 2023

Drejtoria e Përgjithshme e Policisë së Komunës së Bukureshtit ka fajësuar Federatën e Futbollit të Rumanisë lidhur me incidentin që ndodhi mbrëmë në ndeshjen ndaj Kosovës.

Sipas Policisë së Bukureshtit “Përgjegjësia për kryerjen e një kontrolli rigoroz i takon organizatorit”

Në njoftimin e lëshuar sot nga Drejtoria e Përgjithshme e policisë së kryeqytetit rumun bëhet e ditur se janë identifikuar 458 persona të cilët kanë qenë pjesë e grupit të tifozëve që kanë kryer veprime nacionale e raciste.

-Advertisement-

“Deri më tani janë identifikuar 458 persona, të cilët kanë qenë pjesë e grupit të tifozëve që kanë kryer veprime antisociale dhe për shkak të të cilëve është ndërprerë ndeshja e futbollit ndërmjet përfaqësuesve të Rumanisë dhe Republikës së Kosovës, për marrjen e masave ligjore ndaj përgjegjësit për shkeljen e kuadrit ligjor në fuqi.

Deri në transmetimin e këtij komunikimi, janë gjetur dhe hartuar 3 dokumente njoftimi me qëllim përcjelljen e tyre pranë organeve kompetente, në përputhje me përcaktimet e ligjit nr. 126/1995 për regjimin e lëndëve plasëse. Gjithashtu, janë aplikuar 17 sanksione kontravencionale, në total 8000 lei. Më pas, bëhen kontrolle për identifikimin dhe sanksionimin e personave të tjerë që kanë shkelur kuadrin ligjor në fuqi”, thuhet në njoftimin e Drejtoria e Përgjithshme e Policisë së Komunës së Bukureshtit.

Ultrasit rumunë shpalosën një baner me shkrimin “Kosova është Serbi” si dhe nuk i ndalën thirrjet raciste në kor, duke shtyrë kështu deri në ndërprerjen e ndeshjes.

Pas rreth 50 minutave ndërprerje dhe konsultimeve mes delegatit të UEFA-s dhe përfaqësuesve të të dyja skuadrave ndeshja u vendos të rifilloj.

Kosova pësoi humbjen e radhës në kuadër të kualifikimeve për Kampionatin Evropian, duke u mposhtur me rezultat 2:0 dhe shuar kështu shpresat për ëndrrën evropiane.

Subscribe në YouTube: GAZETA INFOKUSI
Etiketa:
Comodita Home nis epokën e franshizës në Belgjikë
-Advertisement-

Të tjera

Fokusi

lajme