Lajme

Policia e Ferizajt shqipton 16 gjoba kundërvajtësve për motoçikleta

Autori: Gazeta inFokus 10:07 | 24 May 2023

Policia e komunikacionit rrugor në Ferizaj ka ndaluar dhe kontrolluar disa motoçikleta dhe për shkak të parregullsive të dokumenteve ka shqiptuar 16 gjoba kundërvajtësve.

Sipas një njoftimi për media nga Policia e Kosovës për rajonin e Ferizajt ky aksion u ndërmarr në vazhdën e shumë aktiviteteve që policia ka zhvilluar të martën duke zbatuar planin operativ “Skuteri”.

Në njoftim thuhet se tetë gjoba janë shqiptuar ndaj atyre që kanë drejtuar motoçikletën pa regjistrim, dy të tjerë pa patentë shofer, dy pa helmet dhe katër motoçikleta janë konfiskuar.

-Advertisement-

Ndërkaq, nga policia e komunikacionit rrugor në Ferizaj bëhet e ditur se do të vazhdojnë me aktivitete të tilla edhe në ditët në vijim, më qëllim parandalimin e aksidenteve në komunikacion dhe respektimin e ligjit të komunikacionit rrugor.

“Apelojmë tek motoçiklistët që t’i respektojnë rregullat dhe ligjin e komunikacionit rrugor, të jenë të kujdesshëm në komunikacion dhe të pajisen me dokumentacion të rregullt”, thuhet në njoftim.