Lajme

Ndërtimi i stacionit të autobusëve në Podujevë, në pritje të vendimit të OSHP-së

Autori: Gazeta inFokus 20:18 | 03 December 2022

Procedurat nisën disa ditë para fundit të gushtit të këtij viti, por jo gjithçka ka përfunduar edhe disa muaj më vonë.

Për ndërtimin e Stacionit të Autobusëve në Komunën e Podujevës, fitues në shtator ishin shpallur një grup i operatorëve ekonomik, megjithatë nënshkrimi i kontratës me ta nuk është bërë ende.

Bahri Hyseni, drejtor i Shërbimve Publike në Podujevë ka thënë se “Ne i kemi nis zhvillimin e procedurave të prokurimit dhe është shpallë fituesi, njëra nga kompanitë që nuk ka fituar ka bërë ankesë. I është kthy përgjigjja dhe ajo përseri e ka dergu ankesën në OSHP. E tëra ka mbetur pezull pasi ende nuk ka një përgjigjje nga OSHP-ja”.

-Advertisement-

Njëra nga gjashtë kompanit sa ishin pjesmarrës në tender, KONSTRUKTORI ING 1969, kishte shprehur dyshimt rreth vendosjes së fituesit.

Kjo kompani, ka përmendur mes tjerash edhe çmimin më të ulët të kësaj kompanie, në ankesën e tyre drejtuar Organit Shqyrtues të Prokurimit, derisa drjetori i pronari i kompanisë në fjalë, për televizionin ka thënë se po presin një përgjigjje nga OSHP.

Derisa zyrtar të komunës shpresojnë që brenda pak ditësh të marrin një përgjigje, në në një situatë të tillë janë edhe drejtues të stacionit të improvizuar.

Hapësira aktuale, sipas Remzi Zenelit, gjendja është bërë e padurueshme.

Remzi Zeneli, drejtor i Stacionit të Autobusëve në Podujevë ka thënë se “Këtu janë 19 kompani që e shfrytëzojnë këtë statcion të Autobusëve dhe me një sipërfaqe prej 20 ari. Ky vend është prej vitit 1975. Tash prej vitit 2019 është licencu në një statcion të autobusëve, me vështirësi operojm këtu pasi s’ka hapsirë. Edhe dimrit edhe verës kemi problem”.

Pritjet e zyrtarëve të komunës, janë ndertimi i statcionit të autobusëve të përfundoj në vitin 2024, derisa vlera e projektit, parashihet në mbi milion euro./dukagjini

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme