Sport

Nainggolan pranon ofertën e Interit

Autori: Gazeta inFokus 15:59 | 12 June 2018

Në pritje të Fair Play Financiar, Inter është duke ndjekur gjurmët e Radja Nainggolan. Zikaltrit kanë marrë konfirmimin nga belgu, që ndihet i lumtur të bashkohet me trajnerin Spalletti.

Por nga e thëna në të bërë është në mes një det i tërë dhe Inter më parë duhet të bindë Romën. Monchi ka kërkuar 40 milionë euro dhe nuk ka ndërmend të bëjë ulje. Kjo duket një shifër shumë e lartë për Interin, që kish menduar të ofronte 20-25 milionë euro dhe një prej të rinjve Zaniolo dhe Valietti. Roma kërkon të bëjë rezistencë, por nëse vullneti i futbollistit është për t’u larguar, Inter është në avantazh.

Për Romën tani Nainggolan nuk është më i pashitshëm, por me largimin e tij duan të mbushin dhe arkat. Ndërkohë në moshën 30 vjeçare, Nainggolan kërkon kontratën më të rëndësishme të karrierës së tij, ndërsa Interi kërkon të zgjidhë problemin disavjeçar të mesfushës.

-Advertisement-

Subscribe në YouTube: GAZETA INFOKUSI