Sport

E papritur nga Spanja: Xavi mund të shkarkohet nga Barcelona

Autori: Gazeta inFokus 11:16 | 17 May 2024

Në një sezon të mbyll pa trofe, në shtëpinë e Barcelonës më shumë u fol për Xavi-n, të ardhmen e tij, largimin, më pas konfirmimin, zëra dhe thashetheme që shoqëruan pjesën e dytë të vitit, deri pak kohë më parë, ku Larporta dhe Xavi vendosën të vijojnë bashkëpunimin ndërmjet tyre edhe sezonin e ardhshëm, duke respektuar kontratën që i përfundon në 2025.

Pikërisht në momentin kur tifozët ishin më të qartë për të ardhmen, mediat në Spanjë rihapin edhe një herë këtë temë me një lajm të bujshëm: “Xavi mund të shkarkohet nga Laporta në fund të këtij sezoni”.

Kjo ide, hipotezë, apo thjesht thashethem, vjen pasi Xavi është shfaqur i dorëzuar, duke i rrëfyer presidentit se të konkurrosh Realin sezonin e ardhshëm do të jetë shumë e vështirë.

-Advertisement-

Kjo deklaratë e Xavi-t nuk është pritur mirë nga Laporta, pasi Xavi, në momentin që konfirmoi se do të qëndronte te Barcelona edhe vitin e ardhshëm, u shfaq shumë optimist. Në këto kushte, gjithnjë sipas mediave, nuk përjashtohet një shkarkim në fund të këtij sezoni.

Ndërkohë, në fushë, Xavi dhe Barcelona, siguruan një tjetër fitore duke mposhtur Almeria-n me rezultatin e pastër 2-0. Fermin Lopez ishte protagonisti kryesor, me sulmuesin spanjoll që realizoi një dygolësh, një për çdo pjesë.

Subscribe në YouTube: GAZETA INFOKUSI
Rëndësia e komunikimit efektiv midis Familjes dhe Kopshtit

Të tjera