Lajme

Liberalizimi i vizave, Bislimi: Shkojmë drejt fazave të fundit, qytetarët do mund të lëvizin pa viza nga 1 janari 2024

Autori: Gazeta inFokus 15:38 | 09 March 2023

Zëvendëskryeministri për për integrim evropian, zhvillim dhe dialog, Besnik Bislimi, ka thënë se votimi i sotëm në Këshillin e Ministrave është një hap i rëndësishëm drejt liberalizimit të vizave për qytetarët e Kosovës.

Ai thotë se me votimin e sotëm, shkojmë drejt fazave të fundit dhe përfundimit të procesit.

“Presim që këto hapa të përfundojnë zyrtarisht brenda pjesës së parë të këtij viti. Pritja e gjatë po shkon hap pas hapi drejt fundit, ku qytetarët do mund të lëvizin pa viza nga 1 janari 2024”, ka shkruar mes tjerash Bislimi.

-Advertisement-

Postimi i plotë:

Një hap i rëndësishëm drejt liberalizimit të vizave për qytetarët e Republikës së Kosovës.

Me votimin unanim dhe miratimin e sotëm të Këshillit të Ministrave të BE-së, për liberalizimin e vizave për Kosovën, shkojmë drejt fazave të fundit dhe përfundimit të procesit.

Procedurat e mbetura janë miratimi nga Parlamenti Evropian, nënshkrimi dhe publikimi në gazetën zyrtare të BE-së.

Presim që këto hapa të përfundojnë zyrtarisht brenda pjesës së parë të këtij viti. Pritja e gjatë po shkon hap pas hapi drejt fundit, ku qytetarët do mund të lëvizin pa viza nga 1 janari 2024.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme