Lajme

Ky është zyrtari i Ministrisë së Ekonomisë që dyshohet se kërcënoi me revole djalin e Donika Kadaj-Bujupit

Autori: Gazeta inFokus 15:40 | 09 November 2026

Zyrtari i Ministrisë së Ekonomisë, Sami Shaqiri, dyshohet se ka kërcënuar me armë djalin e ish-deputetes së Kuvendit të Kosovës, Donika Kadaj-Bujupi, brenda objektit të kësaj ministrie.

Siç raporton Gazeta Insajderi, incidenti ka ndodhur të hënën, ndërsa Policia e Kosovës ka konfirmuar për këtë medium se rreth orës 12:00 është njoftuar për një rast të kanosjes.

Sipas raportimit, djali i ish-deputetes, Dardan Bujupi, ka konfirmuar se është kërcënuar me revole nga zyrtari Sami Shaqiri.

-Advertisement-

Pas incidentit, Shaqiri është shoqëruar në stacionin policor.

Informacionet e publikuara bëjnë të ditur se incidentit dyshohet t’i ketë paraprirë një mosmarrëveshje mes dy zyrtarëve lidhur me një komision disiplinor.

Ende nuk janë bërë të ditura të gjitha rrethanat e ngjarjes dhe as nëse ndaj të dyshuarit janë ndërmarrë masa të tjera ligjore.

Gazeta Infokus tashmë i është drejtuar Ministrisë së Ekonomisë me pyetje për këtë incident, duke kërkuar sqarime për rrethanat e rastit, masat e ndërmarra ndaj zyrtarit të dyshuar dhe sigurinë brenda objektit të ministrisë.

Megjithatë, deri në momentin e publikimit të këtij artikulli, Ministria e Ekonomisë nuk ka kthyer përgjigje në pyetjet e Gazetës Infokus./Gazeta Infokus

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy