Kush është ish-këshilltari i Hashim Thaçit që po ia kërkon shtetit 65 milionë euro?
Autori: Gazeta inFokus
15:25 | 30 May 2019
Në vitin 1999 Bedri Selmani e këshillonte kryeministrin e atëhershëm të Qeverisë së Përkohshme, Hashim Thaçin si ta zhvillonte ekonominë e Kosovës.
20 vjet më vonë, njeriu që llogaritet si njëri prej uzurpatorëve më të mëdhenj të pronave shoqërore, i lidhur me Presidentin Thaçi dhe kryetarin e PDK e të Kuvendit të Kosovës Kadri Veseli, po synon që t’ia marrë shtetit hiq më pakë se 65 milionë euro, shkruan gazeta inFokus.
Por, tani Selmani, i cili ka qenë deputet i Partisë Demokratike të Kosovës, gjatë periudhës 2001-2004, kur kjo parti drejtonte Qeverinë e Kosovës, në këtë padi prezantohet si shtetas i Kroacisë kundër Kosovës, shkruan gazeta inFokus.
Falë lidhjeve të tij me PDK, ai kishte arritur të marrë në shfrytëzim rrjetin e pompave të derivateve “INA” dhe “Jugopetrol” si dhe Hotelin “Viktory” në Prishtinë, në të cilin Hashim Thaçi sa ishte kryetar i Partisë Demokratike të Kosovës i mban mbledhjet e Këshillit Drejtues e ato të Kryesisë së PDK-së.
Prona e objektit ku është e ndërtuar Victory është pronë shoqërore e ndërmarrjes “Auto Prishtina” por ishte uzurpuar pas luftës nga Selmani, i cili përveç biznesit u bë edhe deputet i PDK-së.
Selmani ishte vendosur në këtë objekt me bekimin e ish-deputetit Azem Syla në vitin 1999, sa ishte ministër i Mbrojtjes në Qeverinë e Përkohshme që drejtohej nga Hashim Thaçi.
Paraprakisht, objektet e ndërmarrjes Auto Prishtina ishin përdorur nga Ministria e Mbrojtjes, deri në kohën kur UNMIK-u kishte shpërbërë këtë qeveri që nuk njihej ndërkombëtarisht për të vënë në Kosovë administrimin e Kombeve të Bashkuara, shkruan gazeta inFokus.
Syla aktualisht është në paraburgim si i dyshuar për krim të organizuar dhe shpëlarje parash, pikërisht me prona të shtetit.
Ndërsa Selmani, emri i të cilit ka figuruar në listat e Agjencisë Kosovare të Privatizimit (AKP) si uzurpatori më i madh i pronës shoqërore në vend, në vitin 2016 është larguar nga Kosova, për ta zhvilluar aktivitetin e tij biznesor në Kroaci.
Nga viti 2014 gradualisht atij i janë marrë të gjitha pronat përfshirë 30 pompa të benzinës që i mbante të uzurpuara prej vitit 1999, si dhe hotelin “Victory” në Prishtinë, në të cilin aktualisht janë vendosur Policia e Kosovës, shkruan gazeta inFokus.
Ai është i përjashtuar nga e drejta për blerjen e hotelit për shkak statusit që kishte si investitor në këtë pronë shoqërore të cilën akuzohej se mbante në mënyrë të paligjshme që nga viti 1999. /Gazeta inFokus/

T� tjera
-
Comodita Home hap dyqanin e ri në Pejë me oferta unike – lansohet dysheku Hybrid Black
Comodita Home ka hapur dyqanin e saj më të ri në American Retail në Pejë. Kj...
-
Aksion kundër dro*gës në Prishtinë, ndalohen 4 persona dhe sekuestrohen mbi 15 kg marih*uanë
Prokuroria Themelore në Prishtinë zhvilluar një aksion kundër narkotikëve në ...
-
Forcohen lidhjet ekonomike dhe kulturore të Kosovës me Izmirin
Në Izmir po vazhdojnë aktivitetet në kuadër të organizimit “Ditët e Kosovës”....
-
Arrestohet shtetasi i Turqisë në Aeroportin e Prishtinës, dyshohet për falsifikim të dokumentit
Policia e Kosovës ka bërë të ditur se ka arrestuar një shtetas të Turqisë, i ...
-
Endriti publikon fotografinë e Jakup Krasniqit: “Përshëndetja më e bukur që na e bëri sot”
Vizita katërditore e ish-kryetarit të Kuvendit të Kosovës, Jakup Krasniqi, në...
-
Lansohet kampanja “Dhuro Made in Kosova”, synohet promovimi i produkteve vendore
Të gjitha bizneset vendore, prodhuesit dhe ndërmarrësit në Kosovë kanë mundës...
-
Nga Göteborg në Prishtinë, rezervoni udhëtimin me PrishtinaTickets
Për udhëtarët që jetojnë në Göteborg dhe rrethinë, PrishtinaTickets mundëson ...
-
Shqipëria përparon drejt BE-së. Çfarë presin qytetarët nga ky përparim?
Klodiana Shala del nga Shqipëria të paktën një herë në muaj për të blerë ushq...
-
Policia e Kosovës rrit gatishmërinë për përballimin e turmave
Gjithsej 175 pjesëtarë të Njësive për Reagim të Shpejtë (NJRSH) të Policisë s...
-
Ganimete Musliu: Haga ka kaluar kufijtë e drejtësisë dhe të njerëzores
Deputetja e Partisë Demokratike të Kosovës (PDK), Ganimete Musliu, ka reaguar...
-
“Nuk mujta me pa”, flet Dauti, vëllai i Jakup Krasniqit, pas largimit të tij drejt Hagës
Daut Krasniqi, vëllai i ish-kryetarit të Kuvendit të Kosovës, Jakup Krasniqi,...
-
Pamje prekëse: Momenti kur Jakup Krasniqi përshëndetet me fëmijët e tij dhe rikthehet në Hagë
Ka përfunduar vizita katër-ditore e ish-kryetarit të Kuvendit të Kosovës, Jak...


































