Lajme

Kurti nuk e përjashton mundësinë që të takojë ish-liderët e UÇK-së në Hagë, kritikon Gjykatën Speciale

Autori: Gazeta inFokus 23:03 | 15 February 2023

Kryeministri i Kosovës, Albin Kurti, ka kritikuar Gjykatën Speciale për disa pika dhe ka shtuar se ajo nuk është dashur të themelohet asnjëherë.

Kurti thotë në se ka dy probleme me Gjykatën Speciale.

“E para. UÇK ka bërë luftë të drejtë çlirimtare. Dhe pjesa e dytë ku kam problem me aktakuzën, është se konsiderohet se UÇK ka bërë ndalime ilegale. Nga cila pikëpamje po thuhet se UÇK ka bërë këtë. Në këto hollësi të procesit nuk mund të di dhe nuk mund të hy. Gabimi kardinal ishte se me 82 vota ky ligj u votua në Kuvendin e Kosovës. Kosova ka pasur nevojë për gjyakta normale e jo speciale. Ata do mund të ktheheshin në Kosovë e për çkado të gjykoheshin në Kosovë e jo jashtë saj. Ka edhe krime që nuk janë të luftës. Duhet trajtuar krejt. Të kemi një sistem gjyqësor të pastër e funksional”, tha ai.

-Advertisement-

“Nuk mund të lavdërohet për transparencë e saj por besoj se nëse e forcojmë sistemin tonë gjyqësor mund të kemi raste të tilla të gjykimit këtu”, shtoi ai në Klan.

Kurti tha po ashtu se nuk e përjashton mundësinë që të takojë ish-liderët e UÇK-së që ndodhën në Hagë, pasi që këtë gjë nuk e ka bërë ende.

“Nuk e përjashtoj si mundësi”, përfundoi ai.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera

Fokusi

lajme