Lajme

Kryetari i Degës së IV në Prishtinë, del kundër Isa Mustafës!

Autori: Gazeta inFokus 23:39 | 11 May 2017

Kryeministrit të sapo shkarkuar, Isa Mustafës nuk po i shkon mirë as në parti.

Lideri i Lidhjes Demokratike të Kosovës, Isa Mustafa sot ka marrë një përgjigje të papritur në mbledhjen me kryetarët e degëve. Ndonëse nuk qëndroi më shumë se 3-4 minuta në këtë mbledhje, sipas burimeve të Gazetës Blic, njëri nga kryetarët e degës së kësaj partie i tha Mustafës së më ai nuk bën të jetë bartës i listës zgjedhore.

“Ishte kreu i Degës së IV të LDK-së në Prishtinë, Halim Muçolli ai i cili në këtë mbledhja tha se më Isa Mustafa nuk bën të jetë në krye të Listës Zgjedhore të partisë. Kjo sipas Muçollit, kishte të bënte me faktin se LDK nuk mund të ndërtoj platformë të fitores në krye me Isa Mustafën”, thonë burime të Gazetës Blic brenda kësaj mbledhjeje.

-Advertisement-

Sipas burimeve të Gazetës Blic, është hera e parë që një kryetar i një dege del kundër udhëheqjes së LDK-së nga Isa Mustafa në këto zgjedhje.

Ndërkohë, shefi i LDK-së, Isa Mustafa sot pas mbledhjes që kishte me Kryesinë dhe me kryetarët e degëve tha se partia e tij ka marrë një vendim të rëndësishëm.

E, ai vendim sipas kryeministrit në ikje, ka të bëjë me mos hyrjen në koalicion me PDK-në, premtim që ishte zotuar nga fillimi i angazhimit të tij në krye të Lidhjes Demokratike të Kosovës.

Ndërkohë, pos Muçollit, deri më tani janë edhe disa nëndegë që kanë kërkuar me urgjencë marrjen e përgjegjësisë nga Isa Mustafa dhe nga kryesia aktuale e LDK-së për dështimin e qeverisjes me PDK.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme