Lajme

Kjo është arsyeja që u lirua Faik Fazliu

Autori: Gazeta inFokus 14:54 | 06 June 2021

Ish-kreu i OVL UÇK-së, tani anëtar në kryesinë e kësaj organizate, Faik Fazliu, është liruar pas arrestimit, anipse mbrëmë prokuori kishte urdhëruar masën e ndalimit prej 48-orësh.

Fillimisht lajmin për lirimin e tij e bëri të ditur, kryetari i OVL UÇK-së Faton Klinaku, ndërsa detaje për Gazetën Express ka dhënë zëdhënësi i Prokurorisë Themelore të Prizrenit, Lutfi Morina.

Sipas tij, Faik Fazliu, së pari është dëgjuar më pas për të është vlerësuar që nuk ka rrethana ta mbajnë më tutje në ndalim.

“Po është liruar e kanë dëgjuar të njejtin dhe kanë vleresuar që nuk ka rrethana ta mbajnë më tutje në ndalim, dhe i njëjti është liruar në procedurë të rregullt”, tha Morina.

Tutje i pyetur sesi erdhi deri te ky vendim, pasi për të u urdhërua masa e ndalimit prej 48-orësh, Morina tha “e kanë dëgjuar dhe është interesuar për rrethanat, janë sqaruar të gjitha dhe është parë që nuk është e nevojshme të qëdrojë në ndalim”.

Sipas Policisë, Fazliu ishte arrestuar pasi kishte kanosur një zyrtar policor i cili ndodhej në detyrë zyrtare duke asistuar inspektorët e AUV-it në një kafiteri, lidhur me mosrespektimin e masave antiCovid19.

Ndaj Fazliut është iniciuar rasti “Kanosje ndaj personit zyrtar”.

Ndërkaq bashkëshortja e tij, Alketa Gashi-Fazliu, ka deklaruar se policët e kanë rrëzuar përtokë Faikun, për të cilin thotë se nuk ka pasur asnjë reagim ndaj tyre.

 

Të tjera