Lajme

Ia huq zv.komandanti i FSK-së, e ngatërron parakalimin e ushtarëve për nder të Pavarësisë me Epopenë e UÇK-së

Autori: Gazeta inFokus 14:17 | 17 February 2023

Në sheshin “Zahir Pajaziti” ka filluar parakalimi i Forcës së Sigurisë së Kosovës dhe Policisë së Kosovës.

Para se të fillojë parakalimi, ishte zëvendëskomandanti i FSK-së, Enver Cikaqi, ai i cili njoftoi presidenten Vjosa Osmani për gatishmërinë e trupave për të parakaluar.

Por, në fjalën e tij, gjeneral Cikaqi ka ngatërruar Pavarësinë e Kosovës me Epopenë e UÇK-së.

-Advertisement-

“Zonja presidente, trupat e Forcës së Sigurisë së Kosovës dhe Policisë së Kosovës janë të rreshtuara dhe të gatshme për parakalim për të shënuar 15-vjetorin e Epopesë…. Pavarësisë së Kosovës. Raporton gjeneral major Enver Cikaqi”, ka deklaruar Cikaqi.

Pas kësaj situate të cilën e kapërceu lehtë Cikaqi, presidentja Osmani ka dhënë urdhër për fillimin e parakalimit të ushtarëve dhe pjesëtarëve të policisë.

Ndiqeni videon nga minuta 21:00

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’

Të tjera

Fokusi

lajme