I vazhdohet paraburgimi Thaçit, Veselit dhe Bahtjarit
Autori: Gazeta inFokus 19:34 | 18 April 2024
Në Dhomat e Specializuara të Kosovës (DhSK) në Hagë është marrë vendim për të vazhduar masën e paraburgimit për Hashim Thaçin, Kadri Veselin dhe Ismet Bahtjarin.
Me vendime të ndara për Thaçin dhe Veselin, trupi gjykues ka konstatuar se ekziston të vazhdojë rreziku i pengimit të procesit gjyqësor.
Sipas Doyle Trupi gjykues ka përseritur konstatimet se Thaci iu ka jep informacione vizitorëve lidhur me dëshmitë e dhëna në këtë proces gjyqësor.
Ndërsa, sa i takon vendimit për vazhdimin e paraburgimit për Ismet Bahtjarin, gjyqtari i procedurës paraprake ka konstatuar se paraburgimi vazhdon të jetë i arsyeshëm.
“Gjykatësi i Procedurës Paraprake vazhdoi paraburgimin e z. Bahtijari, duke konstatuar se, megjithëse kushtet e propozuara nga Mbrojtja mund të zvogëlonin mjaftueshëm rrezikun e arratisjes, ato nuk do të mund të kufizonin aftësinë e të akuzuarit për të penguar ecurinë e procesit të Dhomave të Specializuara dhe për të kryer vepra penale të tjera. Në veçanti, Gjykatësi i Procedurës Paraprake u shpreh se z. Bahtijari do të kishte motivin, mjetet dhe mundësinë për t’i bërë trysni Dëshmitarit 1 që të mos marrë pjesë në proces, apo të manipulojë provat. Gjykatësi gjithashtu konstatoi se paraburgimi i z. Bahtijari vazhdon të jetë i arsyeshëm dhe proporcional. Po në këtë çështje, Gjykatësi i Procedurës Paraprake i miratoi Mbrojtjes së Bahtijarit zgjatje të afatit deri më 19 prill 2024 për dorëzimin e të gjitha dokumenteve të nevojshme për të kërkuar ndihmë juridike në Zyrën Administrative të Dhomave të Specializuara”, tha Doyle.
Po ashtu, Doyle tha se trupi gjykues ka hedh poshtë kërkesën e Veselit për leje për apelimin e një vendimi mbi pranimin e disa provave.
“Trupi Gjykues konstatoi se Mbrojtja e Veselit nuk vërtetoi ndonjë padrejtësi të shkaktuar nga pranimi i provave dhe vuri në dukje se kishte dëgjuar parashtrimet e të dy palëve para se të merrte vendimin”, tha ai duke shtuar se seanca e radhës në këtë çështje gjyqësore është caktuar me 22 prill duke filluar nga ora 09:00.
Ndërsa, sa i takon çështjes gjyqësore të Pjetër Shalës, Doyle tha se janë dëgjuar deklaratat përmbyllëse e po ashtu kryetarja e trupit gjykues e ka shpallur çështjen të mbyllur.
“Të hënën, Prokuroria bëri deklaratën e vet, vijuar nga Mbrojtësi i Viktimave të martën paradite. Mbrojtja përfundoi deklaratën e vet përmbyllëse të mërkurën, pas së cilës palët dhe pjesëmarrësit u përgjigjën dhe komentuan mbi parashtrimet e njëri-tjetrit. Pas kësaj u bënë parashtrime në lidhje me çështjen e zhdëmtimeve në rast të një vendimi fajësie, dhe z. Shala iu drejtua gjykatës. Kryegjykatësja e deklaroi çështjen gjyqësore të mbyllur. Në përputhje me Rregulloren, gjykatësit e Trupit Gjykues mblidhen për të bërë kuvendime konfidenciale për marrjen e vendimit të gjykimit në lidhje me akuzat në aktakuzë. Vendimi i gjykimit shqiptohet brenda nëntëdhjetë ditësh pas mbylljes së çështjes, përveçse kur rrethanat e saj kërkojnë zgjatje të mëtejshme të këtij afati”, tha Doyle.
Zëdhënësi i DhSK-së tha se Apeli ka rrezuar apelimin e Haxhi Shalës kundër vendimit për paraburgimin e tij.
“Në çështjen kundër Sabit Januzit, Ismet Bahtijarit dhe Haxhi Shalës, Paneli i Apelit më 12 prill rrëzoi apelin e z. Haxhi Shala kundër vendimit të Gjykatësit të Procedurës Paraprake për vazhdimin e paraburgimit të tij. Po në këtë çështje, versioni i redaktuar publik i vendimit mbi rishikimin e paraburgimit të Ismet Bahtijarit doli javën e kaluar”, tha ai.
Ndryshe, Dhomat e Specializuara të Kosovës në Hagë, çdo të enjte, në orën 14:30, përmes platformës online “Zoom” mbajnë informim javor ku ofrojnë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.
Të tjera
-
Parashikimi i motit për nesër
Për të enjten parashikohet të mbajë mot me vranësira të shpeshta dhe interval...
-
Çka dihet deri tani për mosmarrëveshjen mes familjarëve që eskaloi në tentim vr asje
Tre persona janë plagosur dhe një është lënduar sot në një fshat të Podujevës...
-
A e keni ditur që shumica e kosovarëve nuk e shfrytëzojnë pushimin e plotë sipas Ligjit?
A s’ka punë? A s’ka puntorë? Është kjo fraza të cilën e kemi dëgjuar shumë...
-
Sela godet VLEN-in: Kanë harruar Albinin, tash e përmendin Mickovskin
Ziadin Sela, lider i Aleancës për Shqiptarët është i ftuar të mërkurën në “Pr...
-
Kosova në hapat e fundit drejtë anëtarësimit në KiE
Rruga e Kosovës drejt anëtarësimit në Këshillin e Evropës vlerësohet se mund ...
-
Policia në Ferizaj shqipton gjoba dhe konfiskon motoçikleta dhe skuterë
Policia në Ferizaj ka njoftuar se sot kanë zbatuar planin operativ “Motoçikle...
-
Një person the*ret me thi*kë te Liqeni i Batllavës
Nga Policia e Kosovës njoftuan sonte se një person ka marrë lëndime trupore t...
-
Balje: Deklarata e Kurtit për Kodin Civil është provokuese, nuk votoj pro martesave mes gjinisë së njëjtë
Deputetja e Kuvendit të Kosovës, Duda Balje, ka thënë se deklarata e kryemini...
-
Dumoshi (LDK): Gjitha kërkesat e SBASHK-ut janë të drejta, ne do të kemi komunikim me ta se Qeveria po i neglizhon
Deputetja e LDK-së, Vlora Dumoshi për FrontOnline ka komentuar protestën e SB...
-
“Vrásje në tentativë” – Prokuroria kërkon ndalimin e pesë personave për incidentin e armatosur në Lupç të Podujevës
Prokuroria Themelore e Prishtinës ka kërkuar që pesë persona të ndalohen për ...
-
Blinken: Hamasi duhet të pranojë propozimin për armëpushim
Sekretari amerikan i Shtetit Antony Blinken shprehu të mërkurën vendosmërinë ...
-
Pesë persona ndalohen për 48 orë për rastin në Lupç ku u pla gosën 4 persona
Pesë persona janë ndaluar për 48 orë si të dyshuar për plagosjet në Lupç të P...