Lajme

“Çka je tu bo?”: Konjufca i qaset rreptë Fitore Pacollit, kjo ia kthen po aq ashpër

Autori: Gazeta inFokus 15:19 | 15 December 2022

Kryetar i Kuvendit të Kosovës, Glauk Konjufca është përplasur me deputetën nga partia e tij, Fitore Pacolli.

Konjufca ia ndali fjalën Fitore Pacollit, pasi mendoi se ajo po prezantonte amandament pas amandamenti.

“Zonja Pacolli a po i shpjegoni amendamentet a qysh është puna?”, “Çka je tu bo?”, iu drejtua Konjufca.

-Advertisement-

“Jo kryetar, sikur ta kisha vëmendjen do ta kuptonit? Unë po sqaroj”, iu përgjigj rreptë Pacolli.

Konjuffca vazhdoi: “Nëse janë prezantime tash për tash që po i bëni apo po i shpjegoni ndryshimet, njëra është?”

Pacolli sërish i replikoi kryeparlamentarit “Unë po tregoj se në ditët e fundit kur administrata e ka trajtu projektligjin, ka gjetur disa gabime teknike, dhe këto po i prezantoj këtu që nuk kanë kaluar në komisione”, tha deputetja e VV-së.

E kryeparlamentari Glauk konjufca sërish e potencoi se shpjegimi i një amandamenti të tillë nuk është i lejueshëm.

“Jo, jo më falni, por nuk është e lejueshme kjo”, tha ai.

Deputetja Pacolli tha se kjo praktikë “Ka qenë e lejueshme në disa raste”.

Por, në fakt e gjithë çështja del se kishte qenë keqkuptim dhe se nuk po paraqiteshin amandamentet me ndryshime substanciale në to.

Pacolli po fliste për gabime teknike të amandamenteve, në paragrafe apo në fjalë të caktuara që ishin gabuar.

Subscribe në YouTube: GAZETA INFOKUSI
Etiketa:
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Të tjera

Fokusi

lajme