Bora e prillit, jo diçka e pazakontë në Kosovë
Autori: Gazeta inFokus 14:01 | 04 April 2023
Të reshurat e borës që nisën në Kosovë që nga mbrëmja e së hënës dhe vazhduan edhe gjatë ditës së sotme mund të ju kenë zënë të papërgatitur, madje edhe mund të ju ketë çuditur.
Por Besim Aliu nga Instituti Hidrometeorologjik i Kosovës thotë se kjo dukuri nuk është diçka e pazakontë, sidomos këtyre viteve të fundit.
Aliu tha se kjo nuk është hera e parë që vendi përballet me një mot të tillë në këtë muaj pranvere.
“IHMK mban shënime të arkivuara në databazë dhe ka pasur raste, sidomos viteve të fundit, kur në muajin prill kemi pasur reshje bore dhe temperatura edhe më të ulëta se këto që do të jenë gjatë dy ditëve të ardhshme”, ka thënë Aliu.
Meteorologu theksoi se freskia e verës nuk përcaktohet nga temperaturat e regjistruara në vend kohëve të fundit, por nga aktivitetet e cikloneve e anticikloneve.
“Nuk do të thotë se do të ketë verë të freskët si pasojë e këtyre temperaturave të larta që u regjistruan në këtë tremujorin e parë të këtij viti 2023, sepse vera në Evropë diktohet ose varet nga aktivitetet e Ciklonit të Islandës, Anticiklonit të Siberisë, Anticiklonit të Azoreve dhe masave të nxehta që rrugëtojnë nga Afrika Veriore drejt kontinentit Evropian”, ka thënë Aliu.
Aliu konfirmoi se ky mot dimëror në mes të pranverës vjen si pasojë e ndryshimeve klimatike.
“Ndryshime klimatike kemi, sigurisht se kemi, sepse vetë zhvendosja apo spostimi i këtyre dy elementeve meteorologjike, reshjeve dhe temperaturës, nënkupton se kemi ndryshime klimatike. Prej vitit 1961 deri më tani, kemi rritje të temperaturës në nivel global për 1.2 deri 1.3 gradë celsius”, ka shtuar Aliu, për Klankosova.tv.
Ai tha se ky mot me temperatura të ulëta parashihet të zgjasë deri të enjten, pastaj tabloja termike, sipas tij, do të shënojë rritje graduale. Ndërkaq, theksoi se rënia e borës në këtë kohë është e dëmshme për pemët që kanë lulëzuar.
“Rënia e borës sjell dëme te pemët të cilat kanë lulëzuar, duke ndikuar në rendiment, pastaj ka efekt negativ mekanik, sepse u krijon peshë trupit të pemës dhe i thyen ato, kështu që pemëtarët e dinë se si duhet t’i shpëtojnë pemët në këto raste”.
Të tjera
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...