Lajme

Bislimi reagon pasi Parlamenti dhe KE ranë dakord për udhëtimin pa viza për Kosovën

Autori: Gazeta inFokus 22:00 | 14 December 2022

Zvkryeministri Besnik Bislimi ka thënë se sot është ditë e rëndësishme evropiane për vendin tonë.

Kështu u shpreh ai sonte pasi Parlamenti, Këshilli dhe Komisioni Evropian janë dakorduar mbi heqjen e regjimit të vizave për Kosovën.

“Dakordimi, i cili do të kalojë në hapat e mëtejshëm procedurial para hyrjes në fuqi, do t’u mundësojë qytetarëve të Republikës së Kosovës që të udhëtojnë drejt BE-së pa viza, më së largu me 1 janar 2024, për një periudhë qëndrimi prej 90 ditësh brenda çdo periudhe 180 ditore.

-Advertisement-

Liberalizimi i vizave është një arritje në integrimin evropian të Kosovës. Kjo është një ditë e rëndësishme evropiane për vendin tonë, pas edhe nënshkrimit të aplikimit për anëtarësim në BE.

Falenderoj Presidencën Çeke të Këshillit të BE-së, për përkushtimin gjatë presidencës së tyre në këtë proces. Gjithashtu dhe grupin parlamentar të social-demokratëve, të cilët mirëpritën dhe aplikimin e Kosovës për anëtarësim në BE”, shkruan ai.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!

Të tjera

Fokusi

lajme