Fokus

A ka nevojë Onkologjia për më shumë specialistë? Goga tregon sfidat

Autori: Gazeta inFokus 10:37 | 08 October 2026

Doktoresha Vildane Goga ka folur për ngarkesën me të cilën po përballet Klinika e Onkologjisë, duke thënë se fluksi i pacientëve është jashtëzakonisht i madh, ndërsa stafi po përpiqet që secilit pacient t’i ofrohet shërbimi i nevojshëm në kohë.

Në emisionin “Doktor Plus”, të moderuar nga Arjeta Osmani, Goga ka thënë se kushtet infrastrukturore në Klinikën e Onkologjisë janë përmirësuar dukshëm gjatë pesë viteve të fundit, veçanërisht pas rinovimit të klinikës.

“Fatmirësisht, sa i përket kapaciteteve të objektit, kushtet janë shumë më të mira sesa kanë qenë më herët. Sidomos pesë vitet e fundit, me rinovimin e Klinikës së Onkologjisë, kanë ndryshuar jashtëzakonisht shumë kushtet për pacientët, por edhe për stafin tonë”, ka deklaruar Goga.

-Advertisement-

Megjithatë, sipas saj, fluksi i madh i pacientëve vazhdon ta mbajë stafin nën ngarkesë të lartë.

“Normalisht që stafi është i ngarkuar, sepse është fluks jashtëzakonisht i madh i pacientëve, por mundohemi me kapacitetet që kemi në dispozicion dhe përpiqemi që asnjë prej pacientëve të mos mbetet pa marrë shërbimin në kohën e duhur dhe shërbimin e duhur”, ka thënë ajo.

Goga ka theksuar se lehtësimi i punës në klinikë lidhet edhe me furnizimin me barna, si dhe me shtimin e profesionistëve të rinj në fushën e onkologjisë dhe radioterapisë.

“Pa tjetër që kisha dashur ta cek edhe aspektin e furnizimit, qoftë me barna, por edhe aspektin e avancimit të onkologjisë me profesionistë të rinj që do të vijnë për specializim në onkologji dhe radioterapi. Puna, pa dyshim, do të na lehtësohet edhe neve”, ka deklaruar Goga në “Doktor Plus”.

VIVA FRESH E SHPALL KREEEEJT MUAJIN BLACK NOVEMBER!
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy