Emisari i presidentit amerikan në bisedimet Kosovë–Serbi, Richard Grenell, ka qartësuar në masë të madhe qëndrimin e tij lidhur me dilemën e shkëmbimit të mundshëm të territoreve mes Kosovës dhe Serbisë.

Ai në një intervistë për televizionin T7 ka hedhur poshtë çështjen e shkëmbimit të territoreve si një zgjidhje ndërmjet dy shteteve.

“Unë personalisht jo. Unë nuk e shoh këtë si opsion”, ka thënë grenell duke u përgjigjur në pyetjen nëse ai e sheh si opsion shkëmbimin e territoreve.
Sipas tij, bëhet fjalë vetëm për thashetheme, e jo për ndonjë opsion në bisedime.

-Advertisement-

“Ne, Shtetet e Bashkuara, jemi vërtet të përqendruara në çështjet ekonomike. Besimi ynë është që ne mund të krijojmë një atmosferë ndryshe, ku bizneset evropiane dhe amerikane vijnë në rajon për shkak se konflikti i perceptuar ka marrë fund dhe që mund t’i shtyjmë bizneset që ta shohin këtë rajon si pjesë e zgjerimit të tyre”, është shprehur Grenell.

Kjo është përgjigja e plotë e Richard Grenell lidhur me shkëmbimin e territoreve:

A besoni se shkëmbimi i territoreve është opsion i mirë për t’i zgjidhur problemet me Serbinë?

R.Grenell: Unë personalisht jo. Unë nuk e shoh këtë si opsion, por unë dua të jem shumë i qartë se të gjitha këto çështje politike…Ne, Shtetet e Bashkuara, jemi vërtet të përqendruara në çështjet ekonomike. Besimi ynë është që ne mund të krijojmë një atmosferë ndryshe, ku bizneset evropiane dhe amerikane vijnë në rajon për shkak se konflikti i perceptuar ka marrë fund dhe që mund t’i shtyjmë bizneset që ta shohin këtë rajon si pjesë e zgjerimit të tyre. Ne krijojmë vende pune, krijojmë vende pune për të rinjtë në mënyrë që njerëzit të mos largohen nga Kosova ose Serbia dhe që rajoni të bëhet më i gjallë. Ne besojmë se kjo është zgjidhja për problemet politike, besojmë që zhvillimi ekonomik, krijimi i vendeve të punës krijojnë shpresë, krijojnë nxitje (ekonomike) dhe problemet politike do të bëheshin më të pakta. Ajo për të cilën më duhet të jem i qartë është që shumë nga problemet janë të lidhura me ekonominë dhe aty duhet të shpenzohet energjia. Ne të gjithë vërtet duhet të ndalemi së luftuari dhe të fillojmë të përpiqemi që të krijojmë vende pune në rajon dhe në këtë kemi qenë të përqendruar.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-