Gazeta inFokus ekskluzivisht raportoi gjatë kësaj të marte se Bedri Istrefi, ka kërkuar ndihmë financiare nga Qeveria e Kosovës, konkretisht Ministria e Zhvillimit Ekonomik.

Kjo për të paguar borxhet ndaj ATK-së, shkruan gazeta inFokus.

Ose në të kundërten, sipas kërkesës së siguruar nga gazeta inFokus, ATK do t’i mbyll llogaritë e Telekomit të Kosovës.

-Advertisement-

Por, pavarësisht kësaj gjendjeje tejet të rëndë, ku Telekomit po rrezikohen t’i mbyllen llogaritë për të dytën herë nga ATK brenda vitit, e për të cilën kërkon para nga ministri Valdrin Lluka, Istrefi po vazhdon akuzat ndaj tij.

Nëpërmjet një shkrimi në Facebook, Istrefi po akuzon Llukën për siç thotë apetitin e tij për të falimentuar apo degraduar Telekomin, shkruan gazeta inFokus.

“Ndërsa që apetitet e kujtdo tjetër që Telekomi të falimentojë ose edhe të degradohet tutje, asnjëherë nuk do të jetësohen edhe pse gjatë gjithë vitit ka pasur tendenca të tilla nga nivelet më të larta të qeverisë së vendit, konkretisht nga ministria e linjës dhe ministri Valdrin Lluka”, ka shkruar Istrefi.

“Bashkë me punëtorët e mrekullueshëm dhe të palodhshëm që ka gjiganti Telekom, do të ia kthejmë namin e dikurshëm kompanisë dhe këtë e dëshiron secili nga ne”.

E pavarësisht gjendjes së rëndë, Istrefi në një postin në Facebook, ka numëruar disa suksese e rekorde të Telekomit.

“Telekomi shet mbi 1 milion pako brenda muajit. Telekomi i Kosovës po mbyllë vitin 2019 me një rekord të rri sa i përket shitjes së pakove”.

“Brenda muajit dhjetor janë shitur hiq më pak se 1 milion pako, në të cilat përfshihen minuta dhe sms pa kufi, shumë minuta kombëtarë dhe shumë internet”.

“Ky rekord i ri vjen edhe si rrjedhojë e angazhimit maksimal të të gjithë punonjësve por edhe të një premtimi publik se Telekomi do të rikthehet fuqishëm”.

“Besoj se fillimi i vitit 2020 do të jetë shumë më i suksesshëm”.

“Kemi arritur që këtë muaj të kemi shitje rekorde sa i përket pakove tona, është shumë e qartë se konsumatorët tanë të cilët na kanë qëndruar besnik gjatë gjithë këtyre viteve po blejnë pakot tona për shkak se janë më të mirat në treg”.

“Tashmë janë duke u bërë edhe përgatitjet e fundit ligjore sa i përket nënshkrimit të kontratës me Nokia, kontratë kjo e cila kryekëput do të merret me mirëmbajtje të rrjetit në nivel vendi dhe nga kjo, konsumatorët tanë do të kenë shërbime më cilësore dhe të meritueshme”, ka shkruar Istrefi./Gazeta inFokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-