Lajme

Partitë, pa vullnet për ta bërë reformën zgjedhore

Autori: Gazeta inFokus 08:16 | 18 November 2019

Subjekteve politike po u mungon vullneti për ta finalizuar reformën zgjedhore, e cila është nisur tetë vjet më parë.

Kështu vlerësojnë njohësit e çështjeve politike, të cilët theksojnë se me legjislacionin në fuqi partitë kanë më shumë gjasa të manipulojnë me procesin zgjedhor, shkruan sot Gazeta “Zëri”.

Po bëhen 20 vite prejse Kosova organizon zgjedhje nacionale e komunale. Që prej atëherë proceset zgjedhore çdoherë janë përcjellë me telashe nga më të ndryshmet.

-Advertisement-

Për t’i evituar ato shteti i Kosovës në vitin 2011 e kishte iniciuar krijimin e një reforme zgjedhore, e cila tash e tetë vjet ka mbetur pa u përmbyllur.

Mungesa e reformës zgjedhore vazhdon të shkaktojë mangësi nëpër listat votuese, mungesë të zonave zgjedhore, afate kohore të tejzgjatura, rezultate të manipuluara e të tjera.

Mirëpo njohësit e çështjeve politike vlerësojnë se përmbyllja e kësaj reforme do të bëhet atëherë kur subjektet politike do të kenë vullnet politik, i cili u ka munguar deri tash.

Duke e nënvizuar rëndësinë për një reformë të tillë, analistët theksojnë se Qeveria, por edhe legjislatura e ardhshme duhet ta ketë prioritet finalizimin e saj.

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme