KQZ e shqetësuar me rikandidimin e kryetarëve të Listës Serbe në veri
Autori: Gazeta inFokus 14:24 | 19 April 2019
Partia Demokratike e Kosovës, Lëvizja Vetëvendosje dhe Lista Serbe, janë tri subjektet politike që kanë aplikuar për t’u certifikuar për pjesëmarrje në zgjedhjet e jashtëzakonshme të 19 majit në katër komunat e veriut.
Kjo u tha edhe zyrtarisht në mbledhjen e KQZ-së, ku u kërkua të trajtohet komplet aplikacioni i Listës Serbe dhe kandidatëve të saj, pasi tre prej tyre, kanë dhënë dorëheqje, pas vendosjes së taksës ndaj mallrave të Serbisë nga Qeveria e Kosovës, dhe tash kanë aplikuar sërish.
Kandidat për kryetar të komunës së Leposaviqit nga Lista Serbe është Zoran Todiq, për kryetar të Zubin Potokut Srdjan Vuloviq, për kryetar të Zveçanit Vuçina Jankoviq, si dhe për Mitrovicës të Veriut Goran Rakiq.
Fillimisht kryeshefi ekzekutiv i sekretariatit të KQZ-së, Enis Halimi njoftoi anëtarët e KQZ-së, se numri i votuesve jashtë Kosovës që do të njoftohet nga KQZ është 724.
“Janë bërë furnizimet me materiale administrative që kanë kërkuar komisionet komunale zgjedhore edhe në aspektin teknik. Në bashkëpunim me Policinë dhe akterët tjerë të sigurisë kemi hartuar planin operacional… prej krijimit të listave preliminare të votuesve, janë bërë përgatitjet e nevojshme për fillimin e periudhës së shërbimit votues e cila do të realizohet nga data 23 deri më 29 prill. Divizioni përkatës ka bërë shtypjen e listave preliminare të votuesve të cilat sipas planit operacional do të shpërndahen nëpër qendrat përkatëse të votimit. Periudha e aplikimit për regjistrim jashtë Kosovës do të filloj më 25 prill dhe do të përfundojnë 30 prill dhe jemi në kuadër të përgatitjeve që të filloj edhe kjo fazë”, tha ai.
Kurse, Valmira Selmani nga Zyrën për Regjistrimin e Partive Politike dhe Certifikim, tha se po shqyrtojnë aplikimet e subjekteve politike dhe kandidatëve.
“Dje ka qenë afati i fundit për aplikim për certifikim të subjekteve politike ku është përmbyllur dhe brenda këtij afati kanë aplikuar për t’u certifikuar tri parti politike për certifikim për komunat përkatëse”, tha ajo.
Sami Hamiti u interesua se sa prej kandidatëve kanë dhënë dorëheqje dhe garojnë sërish në këto zgjedhje.
“A janë tre apo katër, sepse një pjesë po e dimë që tre janë sigurisht, unë e kuptoj që atë pjesën standarde, që janë listë të votuesve dhe e kanë zotësinë juridike për të kandiduar por duhet shikuar pjesa tjetër sepse ata janë kandidatë të cilat kanë dhënë dorëhejqe dhe të analizohet më thellë në KQZ, çështja e tyre”, tha ai.
Por Selimi i tha se e dinë që ka të përsëritur por ende nuk e kanë marrë konfirmimin se sa është numri i tyre.
Edhe anëtari tjetër i KQZ-së, Adnan Rrustemi tha se duhet të trajtohet më thellësisht komplet aplikacioni i listës serbe dhe kandidatëve të saj.
“T’i shohim shkresat e dorëheqjes së tyre, format e tyre, a qëndrojnë ato të referimit Kosovë dhe metohi dhe të gjitha tjerat para se të marrim një vendim. Mendoj që KQZ-ja e ka një rast të mirë në këto zgjedhje për të disiplinuar edhe kandidatët e listës serbe për sjelljet dhe veprimet e tyre të fundit në kursin e Republikës së Kosovës dhe të respektimit të legjislacionit dhe kushtetutshmërisë por edhe të përgjegjësisë që kanë në raport me institucionet dhe legjislacionit“, tha ai.
Shqetësime për kandidimin e anëtarëve të Listës Serbe, i ka shprehur edhe Florian Dushi, pasi tha se ishin ata që me dorëheqjen e tyre kanë provokuar shpalljen dhe zgjedhjet e jashtëzakonshme.
“Në këtë fazë zyrës t’i tërhiqet vërejtja që të shoh në detaje të gjitha kushtet dhe kriteret që përcaktohen, unë nuk flas për pjesën etike dhe politike por flas për pjesën ligjore dhe kushtetuese të këtyre kritereve, të shoh nëse i përmbushin të gjitha këto kritere për t’i dhënë mundësi pastaj KQZ-së që të diskutoj nëse eventualisht mund të paraqes pengesë, fakti i dorëheqjes së tyre dhe kandidimi i po të njëjtëve në zgjedhjet e ardhshme”, tha ai.
Përndryshe nga sekretariati u tha se sfidë paraqet miratimi i vonë i buxhetit, i cili tek dje është miratuar në Qeveri dhe ende teknikisht është i pa aplikueshëm, kurse, sfidë tjetër është tek aktivitetet e prokurimit për shkak të kohës së shkurt që i karakterizon këto zgjedhje.
Të tjera
-
Deputeti finlandez Kiljunen: Kosova u dakordua për Asociacionin si element për anëtarësimin në KiE
Kryetari i Komisionit për Punë të Jashtme i Parlamentit të Finlandës, Kimmo K...
-
Policia arrẹston në Bërnjak një të dyshuar për krimẹ luftẹ në Gjakovë
Policia e Kosovës ka arrestuar të shtunën një person nën dyshimet për krime l...
-
25 vjetori i mἀsakrës së Mejës, Presidentja Osmani e quan “Srebrenicë të Kosovës”
Në 25 vjetorin e masakrës së Mejës, Presidentja Vjosja Osmani e kryeministri ...
-
Azemi: Ferizaj po kundërmon nga mbeturinat, shëndeti po rrẹzikohet nga i papërgjegjshmi Agim Aliu
Kryetari i LDK-së në Ferizaj, Visar Azemi ka thënë se gjendja me mbeturinat n...
-
Qeveria e Kosovës i kundërpërgjigjet Listës Serbe për kamerat e vendosura në veri
Zëdhënësi i Qeverisë, Përparim Kryeziu i është kundërpërgjigjur pretendimeve ...
-
Aksioni i Policisë së Kosovës: Identifikohen 76 lëmoshë kërkues nga Kosova dhe Shqipëria
Për 13 ditë, Policia e Kosovës ka zbatuar një aksion për parandalimin e trafi...
-
Përparim Rama: Problemit të mbeturinave në kryeqytet i erdhi fundi
Kryetari i Komunës së Prishtinës, Përparim Rama, ka njoftuar se kanë rritur k...
-
Pas Arbitrazhit, Kosova dështon edhe në Londër – do t’i paguajë ContourGlobalit 20 milionë euro
Gjykata Komerciale në Londër ka lënë në fuqi një vendim të Gjykatës Ndërkombë...
-
Zbulohet pllaka “Shtëpia e Durimit” në Shtëpinë Tradicionale të Familjes Qerkezi – Muzeu Historik 1999
Është zbuluar pllaka “Shtëpia e Durimit” në Shtëpinë Tradicionale të Familjes...
-
Pahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
Ish-presidenti i Sllovenisë, Borut Pahor së fundmi është duke u përmendur si ...
-
Krasniqi kujton Masa*rën e Mejës: Ajo flet për viktimën dhe agresorin më fuqishëm dhe më drejtë se cilado gjykatë
Kryetari i Partisë Demokratike të Kosovës, Memli Krasniqi ka kujtuar masa...
-
Rohde për të pagjeturit: Keqardhje që s’është bërë progres në 3 vitet e fundit për shkak të bllokadës politike
Ambasadori gjerman në Kosovë, Jorn Rohde, në Ditën Kombëtare për Personat e Z...