Lajme

Një muaj paraburgim për gruan që dyshohet se vrau burrin e saj në Francë

Autori: Gazeta inFokus 12:10 | 08 Tetor 2018

Një muaj paraburgim për Suzana Zogianin.

Ky është vendimi që ka marrë Gjykata Themelorë në Prishtinë për Zogianin e cila dyshohet se kohë më parë në Francë ka vrarë bashkëshortin e saj A.S duke e goditur me sëpatë në regjionin e kokës.

Në komunikatë thuhet se masa e paraburgimit do të zgjasë deri me 5nëntor 2018, shkruan gazeta inFokus.

-Advertisement-

“Gjykata Themelore në Prishtinë ka aprovuar kërkesën e Prokurorisë Themelore në Prishtinë, për caktimin e masës së paraburgimit kundër të pandehurës Suzana Zogiani për shkak të dyshimit të bazuar se ka kryer veprën penale Vrasja e rëndë nga neni 179 par.1.3 dhe 1.4 të Kodit Penal të Republikës së Kosovës. Të pandehurës Suzana Zogiani i është caktuar masa e paraburgimit në kohëzgjatje prej një (1) muaji, nga dt. 05.10.2018 deri me dt. 05.11.2018”, thuhet në komunikatën e Gjykatës.

Gjithashtu në komunikatën e Gjykatës thuhet se masa e paraburgimit është adekuate duke marrë parasysh rrezikun që mund të tregoj nëse e dyshuara gjendet në liri.

“Gjykata ka konstatuar se kërkesa për caktimin e masës së paraburgimit kundër të pandehurës S.Z-S është masë adekuate dhe e domosdoshme në këtë fazë të procedurës duke pasur parasysh peshën e rëndë të veprës penale dhe dënimin e paraparë për këtë vepër penale, mënyrën dhe rrethanat në të cilat është kryer vepra penale dhe karakteristikat e saj personale, të cilat tregojnë rrezikun se e pandehura po të gjendet në liri mund të arratiset, pasi që për të njëjtën është lëshuar fletë arrest ndërkombëtarë. Pala ka të drejtë ankese kundër këtij vendimi në Gjykatën e Apelit të Kosovës.”, përfundon komunikata e Gjykatës.

Kujtojmë që Suzana Zogiani është arrestuar më 5 tetor në Prishtinës nën dyshimin që kohë më parë ka vrarë bashkëshortin e saj në Francë./Gazeta inFokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy