Lajme

Thaçi kujton demonstratën e 1 tetorit

Autori: Gazeta inFokus 09:32 | 01 October 2018

Presidenti i Kosovës, Hashim Thaçi ka përkujtuar demonstrata e 1 Tetorit të 1997-es.

Ai përmes një postimi në facebook ka shkruar se demonstrata e studentëve të Universitetit të Prishtinës i dha dinamikë të re zhvillimeve politike në vend, shkruan gazeta inFokus

“Sot janë bërë 21 vjet, por ende i kemi të freskëta kujtimet nga demonstrata e 1 Tetorit 1997. Ishin ditë kur studentët dhe të rinjtë tanë nuk e duronin më dhunën dhe nëpërkëmbjen e përditshme të policisë serbe, si dhe shtypjen e çdo të drejte politike dhe kombëtare nga regjimi serb. Demonstrata paqësore e studentëve të Universitetit të Prishtinës, me mbështetje masive, i dha dinamikë të re zhvillimeve politike në Kosovë.”, ka shkruar ai.

-Advertisement-

Thaçi po ashtu ka shkruar se studentët e UP-së iu bashkuan radhëve të UÇK-së duke arritur lirinë dhe pavarësinë

“Shumë të rinj dhe të reja nga Universiteti i Prishtinës, më pas, iu bashkuan radhëve të Ushtrisë Çlirimtare të Kosovës. Falë përpjekjeve të shumë gjeneratave, Kosova arriti objektivat e saj historike: çlirimin, lirinë dhe pavarësinë! “, ka përfunduar ai.

21 vite më parë, më 1997 lëvizja studentore e asaj kohe organizoi protesta në kundërshtim të pushtimit të Kosovës nga Serbia dhe kthimit të studentëve në objektet universitare

Kjo protestë konsiderohet si më e rëndësishmja në atë kohë/inFokus.

Lexo edhe: 21 vjetori i protestave studentore

Subscribe në YouTube: GAZETA INFOKUSI