Lajme

Ende nuk është caktuar gjyqtari që do ta gjykojë Gani Gecin

Autori: Gazeta inFokus 23:50 | 19 Shtator 2018

Rigjykimi i Gani Gecit, i akuzuar për vrasjen e Ruzhdi Shaqirit, duket se nuk do të fillojë së shpejti.

Kjo për shkak se lënda e tij nuk i është ndarë ende ndonjë gjyqtari.

Lajmin për KALLXO.com e konfirmon avokati i tij, Ndrec Dodaj.

-Advertisement-

“Rasti është kthyer në rigjykim. Lënda gjendet në Gjykatën Themelore të Mitrovicës por nuk e dimë kush e ka. Më parë e ka pasur kolegji ndërkombëtar. Nuk kemi informacione nëse i është caktuar ndonjë gjyqtari. Kur e caktojnë na njoftojnë me shkrim por deri më tani nuk kemi asgjë”, tha Ndrec Dodaj për KALLXO.com.

Gani Geci akuzohet për vrasjen e Ruzhdi Shaqirit më 4 gusht të vitit 2014 në kafiterinë “N’ Qosh”, në Skenderaj.

Ndërsa me tre qershor të vitit 2016 nga gjykata e shkallës se parë, Geci për këtë vrasje ishte dënuar me 4 vjet e gjashtë muaj burg.

Ky rast ka qenë duke u gjykuar nga gjyqtarë të EULEX-it.

Kurse në shtator të vitit 2017 kjo lëndë ishte kthyer në rigjykim, ndërsa është pranuar në Gjykatën Themelore të Mitrovicës tash e disa muaj.

Por, rigjykimi i kësaj lëndë nuk ka filluar ende, për arsye se nuk i është caktuar asnjë gjyqtari.

Zyrtarë në Gjykatën e Mitrovicës kanë thënë për KALLXO.com se kryetari i Gjykatës ende nuk ia ka caktuar ndonjë gjyqtari për ta gjykuar.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy