KOMF: Fëmijët viktima të abuzimit me narkotikë, të pambrojtur nga shteti
Autori: Gazeta inFokus 15:02 | 05 February 2018
Bazuar në Indeksin për Mbrojtjen e Fëmijës të publikuar nga KOMF, Kosova ka arritur një rezultat prej 0,396 nga rezultati i mundshëm prej 1.0 në parandalimin dhe mbrojtjen e fëmijëve viktima të abuzimit me narkotikë. Në mbrojtjen e fëmijëve nga abuzimi me narkotikë përmes politikës Kosova ka shënuar rezultat nën mesatare 0,466. Kosova ka shënuar rezultat mesatar në fushën e koordinimit 0,500 dhe 0,496 në llogaridhënien ndaj përfituesve, familjeve dhe palëve të tjera të interesit. Megjithatë, Kosova ka rezultate dukshëm më të ulëta në ofrimin e shërbimeve për të siguruar mbrojtje dhe reintegrim adekuat për këta fëmijë me 0,250 si dhe në kapacitetin e saj për të ofruar një qasje të duhur për fëmijët viktima të abuzimit me narkotikë me 0,119 pikë.
Sa i përket politikave, shteti i Kosovës nuk jep dënime shtesë për shkeljet me narkotikë të kryera nga të rriturit ku fëmijëve u janë shitur ose dhënë narkotikët dhe substancat e tilla. Kodi Penal përcakton moshën minimale prej 16 vjeç për blerjen e alkoolit. Deri më tani, korniza ligjore ka caktuar moshën minimale prej 18 vjeç vetëm për blerjen e duhanit. Kosova duhet të parashikojë ndëshkime shtesë në Kodin Penal për shkeljet që kanë të bëjnë me narkotikë. Gjithashtu duhet të përcaktohet mosha minimale 18 vjeç për blerjen e alkoolit në të gjitha ambientet dhe korniza ligjore duhet të parandalojë shitjen e substancave tretëse fëmijëve.
Kosova nuk ofron shërbime të veçanta të rehabilitimit fizik dhe psikologjik për fëmijët viktima të abuzimit me narkotikë. Klinika Psikiatrike e Qendrës Klinike Universitare të Kosovës ka krijuar një repart të posaçëm për trajtimin e varësisë por ky repart është i dedikuar për pacientët e rritur, edhe pse ai trajton edhe fëmijët duke qenë se nuk ekziston repart i veçantë për ta. Prandaj vendqëndrimet nuk janë mjedise miqësore për fëmijët. Në thelb nuk ka shërbime të veçanta për rehabilitimin fizik, psikologjik, dhe reintegrimin social që mbështesin fëmijët që janë viktima të abuzimit me narkotikë. Trajtimi mjekësor bazohet kryesisht në programet e detoksikimit që përdorin barna nga Lista esenciale e barnave të financuara nga Ministria e Shëndetësisë. OJQ Labyrinth, është e vetmja OJQ lokale për të ofruar shërbime rehabilitimi, por këto shërbime nuk sponsorizohen nga shteti dhe kjo OJQ nuk mund të mbulojë të gjitha nevojat. Është e rëndësishme që këto shërbime të kenë mbështetjen e duhur nga qeveria, komunat dhe komuniteti i donatorëve. Rekomandohet fuqimisht që qeveria të caktojë prioritet mbrojtjen e fëmijëve viktima të abuzimit me narkotikë nëpërmjet krijimit, sponsorizimit dhe zhvillimit të shërbimeve në nivel shtetëror që mundësohen nga ofruesit shtetëror dhe privat.
Subjektet shtetërore duhet të mbështesin procesin e reintegrimit të fëmijës viktimë e abuzimit me narkotikë, siç është reintegrimi në shkolla për rastet kur ato braktisen. Megjithatë, për shkak të mungesës së burimeve të nevojshme, ato nuk mund të mbështesin prindërit ose kujdestarët për t’u marrë fizikisht dhe emocionalisht me fëmijët viktima të abuzimit me narkotikë. Ekziston nevoja për zhvillimin e programeve të reintegrimit në përgjigje ndaj nevojave në rritje të fëmijëve dhe familjeve të tyre.
Mangësi tjetër e sistemit që kontribuon në rezultate të ulëta të llogaridhënies ka të bëjë me mungesën e të dhënave të centralizuara dhe mungesën e një baze të të dhënave në nivel nacional mbi raportimet e rasteve të fëmijëve viktima të abuzimit me narkotikë. Rekomandohet që Kosova të krijojë mekanizma të qëndrueshëm për grumbullimin e të dhënave dhe të kërkimit në mënyrë që të gjenerojë informata më të qëndrueshme për nivelin e përhapjes së rasteve të abuzimit me narkotikë.
Të tjera
-
Kërkohet ndihmë për shërimin e 18-vjeçarit, Argjend Jonuzaj nga Prizreni
Argjend Jonuzaj nga Komuna e Prizrenit ka nevojë për ndihmën tuaj. 18-...
-
VV e do të “unifikuar” opozitën për të shkuar në zgjedhje, PDK, LDK dhe AAK kanë dallime
Partia Demokratike e Kosovës u kërkoi të hënën partive politike parlamentare ...
-
Ceremonitë mortore për presidentin iranian do të nisin të martën e ardhshme
Ceremonitë mortore për presidentin iranian, Ebrahim Raisi, dhe shokët e tij d...
-
“1 milion euro” Zbardhet dosja e SPAK: Arben Ndoka i thotë Ervis Martinajt se ka gjetur një grup vra sësish me pagesë nga Kosova
Është publikuar dosja e plotë e megaoperacionit të ndërmarrë nga SPAK, pas zb...
-
Arratisja e Enver Sekiraqës/ Dështim i drejtësisë, kërkohet përgjegjësi
I dyshuari kryesor për vrasjen e policit, Triumf Riza, Enver Sekiraqa, nuk ës...
-
Serbia dënon aksionin policor në veri të Kosovës
Zyrtarët në Serbi kanë dënuar aksionin e Policisë së Kosovës ndaj objekteve t...
-
Kryeministri Kurti takoi shefin e UNDP-së në Kosovë, diskutuan për strategjitë kundër korrupsionit
Kryeministri i Republikës së Kosovës, Albin Kurti, zhvilloi sot një drekë pun...
-
Krasniqi me Gërvallen marrin pjesë në një panair të organizuar nga diaspora në SHBA
Ministri i Pushtetit Lokal, Elbert Krasniqi së bashku me ministren e Punëve t...
-
Bajrami për Qeverinë: Dështuan të sjellin investime, po tentojnë të sjellin të burgosur
Deputetja e Lidhjes Demokratike të Kosovës, Hykmete Bajrami, ka reaguar pas m...
-
Babai i Triumf Rizës tregon se si mori vesh për vra sjen dhe çfarë i kishte thënë djali për Enver Sekiraqën
Në emisionin “Frontal” me Arsim Lanin, Shefqet Riza tregoi se si kishte marrë...
-
Prishtinë: Arrestohen dy persona, dyshohet se hodhën bombë në drejtim të një veture
Dy persona janë arrestuar sot nga policia. Ata dyshohet se kishin hedhur n...
-
Arrestohen dy persona për shpërthimin e para një muaji në “Lagjen e profesorëve”
Një muaj më parë, në lagjen e njohur si “Lagjja e profesorëve”, ku kishte shp...