Lajme

Lekaj u takua me delegacionin e BERZH-it

Autori: Gazeta inFokus 13:24 | 16 Janar 2018

Ministri i Infrastrukturës, Pal Lekaj me bashkëpunëtorë, ka pritur në një takim pune delegacionin e Bankës Evropiane për Rindërtim dhe Zhvillim (BERZH), të kryesuar nga Donald Mishaxhiu dhe Julia Mackin.

Ministri Lekaj, ka falanderuar delegacionin duke i siguruar ata se Ministria e Infrastrukturës dhe ai personalisht, nuk do të lejojnë vonesa të mëtejme në implementim të projekteve ku financon BERZH-i, por edhe të projekteve tjara nën menaxhimin e kësaj ministrie.

Ky takim u fokusua mbi modalitetet dhe veprimet që duhen ndërmarrë për shpronësimet e pronarëve formal dhe joformal, përgjatë traseve të rrugëve që do të ndërtohen, ndikimin socio-ekonomik tek pronarët, vënjen e objektivave që duhen arritur si dhe vlerësimin e trafikut.

-Advertisement-

Pikë kryesore e diskutimit ishte trajtimi i barabartë i pronarëve formal dhe jo formal si dhe dëgjimi publik për të gjitha këto kategori, ku të dyja palët u dakorduan që këto kategori të trajtohen të barabarta në vlerësimet paraprake dhe të bëhen konsultime me ta nëpërmjet debateve publike.

Nga ky takim u konkludua që të tri komponentet e ndikimit socio-ekonomik, të përfshihen në vendimin përfundimtar si dhe të vazhdohet tutje me implementimin e projekteve sa më parë që të jetë e mundur.

Përfaqësuesi i BERZH-it, Donald Mishaxhiu, ka falenderuar Ministrin e Infrastrukturës, Pal Lekaj, për angazhimin e tij që procesi të ecën para, pa lënë anash edhe grupet punuese nga Ministria e Financave, Drejtoria e Tatimit në Pronë dhe ekspertët nga kompania konsulente.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy