Historia e përpjekjeve për ta gjykuar në Kosovë Moshe Harel-in
Autori: Gazeta inFokus 23:00 | 13 January 2018
Nuk është hera e parë që Moshe Harel arrestohet në lidhje me dyshimet për transplatim veshkash, por ai deri tash nuk është përballur me gjyqësinë kosovare.
Moshe Harel njëri prej të dyshuarve kryesorë në rastin e klinikës “Medicus” është arrestuar ditë më parë nga autoritetet e shtetit të Qipros në bazë të një urdhër-arresti ndërkombëtar.
Harel është në kërkim që nga viti 2010, në aktakuzën e ngritur në lidhje me transplantimet ilegale të veshkave të cilat pretendohet se janë bërë në Klinikën “Medicus”.
Për izraelitin Harel pretendohet të ketë ndërmjetësuar dhe organizuar transplantimin e veshkave.
Kjo nuk është hera e parë që Harel është arrestuar, pasi që edhe në vitin 2012 prokurori i atëhershëm Jonathan Ratel kishte konfirmuar arrestimin e tij pas kërkesës për ndihmë juridike ndërkombëtare që kishte bërë prokuroria kosovare drejtuar autoriteteve izraelite.
Madje Ratel kishte thënë se kishte filluar kontaktet me autoritetet e shtetit të izraelit për ekstradimin e këtij të akuzuari në Kosovë.
Prokuroria ka ngritur aktakuzë të veçantë kundër Moshe Harel si dhe të akuzuarit tjetër Youssuf Sonmez i cili ende ndodhet në arrati.
Pasi që të njëjtit kanë qenë në arrati është dashur që të veçohet lënda ndaj tyre në mënyrë që të procedohet tutje me të akuzuarit e tjerë.
Sipas prokurorit të mëhershëm të çështjes Jonathan Ratel, Hareli ka qenë ndërmjetësi kryesor në sigurimin, shitblerjen dhe transplantimin e organeve njerëzore,
Sipas prokurorit, ai aranzhonte takimet me pacientët dhe viktimat dhuruese të organeve.
“Stambolli ishte vendtakimi i pacientëve viktima dhe pacientëve pranues të organeve. Pacientët shpeshherë fluturonin së bashku dhe menjëherë dërgoheshin në Klinikën ‘Medicus’ për t’iu nënshtruar operacionit, bashkë me Moshe Harel-in” ,kishte thënë prokurori Jonathan Ratel në një intervistë për Gazetën Jeta në Kosovë.
Gjatë kësaj interviste për Gazetën Jeta në Kosovë prokurori Ratel kishte folur edhe në lidhje me të akuzuarin tjetër kirurgun Youssuf Sonmez, për të cilin kishte thënë se ishte personi kryesor në të gjitha transplantimet e organeve të cilat kishin ndodhur në atë klinikë.
“Ai është trafikues famëkeq organesh me prejardhje nga Turqia, të cilin ne e kërkojmë për kohë të gjatë. Ai është në listë të kuqe të Interpolit dhe është i akuzuar në Turqi për shkeljet në Klinikën ‘Medicus’ dhe për mosparaqitjen e tij në gjykatë”, kishte thënë prokurori Ratel.
Tutje prokurori në atë kohë kishte thënë se mendohet se dr.Youssuf Sonmez aktualisht mund të ndodhej në Afrikën e Jugut.
E në lidhje me arrestimin, e më pas ekstradimin e këtyre dy të akuzuarve tek autoritetet e shtetit të Kosovës, prokurori Ratel kishte deklaruar se as Moshe Harel e as Youssuf Sonmezi nuk kanë mundur të ekstradohen në Kosovë për shkak se Izraeli dhe Turqia e ndalojnë këtë.
Pas arrestimit te Moshe Harel, Gazeta Jeta në Kosovë ka kontaktuar me Ministrinë e Drejtësisë si dhe me misionin e EULEX-it në Kosovë, për t’i pyetur nëse këto dy institucione kishin bërë, apo planifikonin që të bënin kërkesë për ekstradimin e këtij personi në Kosovë.
“Me këtë rast është duke u marrë EULEX-i, andaj ju lutemi kontaktojeni Zyrën për Komunikim të tyre lidhur me pyetjet tuaja”, thuhet në e-mail-in që Gazeta Jeta në Kosovë ka pranuar nga Zyra për Komunikim Publik e Ministrisë së Drejtësisë.
Zyra për Komunikim me Publikun e EULEX-it i ka thënë gazetës Jeta në Kosovë se procedura e ekstradimit është në zhvillim e sipër, ndërsa ka sugjeruar që pyetjet për këtë çështje t’i drejtohen Ministrisë së Drejtësisë dhe Gjykatës Themelore në Prishtinë, të cilat sipas EULEX-it janë përgjegjëse për procedurat e ekstradimit.
Gazeta Jeta në Kosovë nuk ka marrë përgjigje nga Gjykata Themelore në Prishtinë, ndërsa sot ministri i Drejtësisë Abelard Tahiri shkroi në facebook se Kosova ka kërkuar nga Qiproja ekstradimin e Harel-it.
Tahiri kishte reaguar edhe pas arrestimit të Moshe Harel-it në Qipro, duke u zotuar se do të bëjë gjithçka për ekstradimin e tij.
“Do të bëj çfarëdo që është e mundur që ky person, i cili përveç veprave penale, ka bërë një dëm të madh ndaj imazhit të Kosovës në arenën ndërkombëtare, të sillet para organeve të drejtësisë për t’u përgjigjur për veprat e bëra”, shkroi Tahiri.
Në Gjykatën Themelore në Prishtinë janë duke u gjykuar mjekët Lutfi Dervishi e Sokol Hajdini që sipas prokurorisë bashkëpunuan me Harel-in e Somnezin.
Lutfi Dervishi që ishte pronar i Klinikës “Medicus” në të cilën nga prokuroria po pretendohet se u krye transplantim i veshkave, akuzohet për trafikim me qenie njerëzore dhe krim të organizuar, ndërsa Sokol Hajdini për lëndim të rëndë trupor.
Pjesë e këtij gjykimi ishte edhe Arban Dervishi, djali i Lutfi Dervishit, por procedura ndaj tij është veçuar, ngase ai ndodhet në arrati.
Urologu Lutfi Dervishi ishte dënuar nga Gjykata Themelore në Prishtinë me 8 vjet burg në vitin 2013, ndërsa Sokol Hajdini me 3 vjet.
Gjykata e Apelit më pas ia kishte vërtetuar dënimin Dervishit, ndërsa Hajdinit ia kishte shtuar vitet e dënimit me burg nga 3 vjet në 5.
Të tjera
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...
-
Wall Street Journal: Agjencitë amerikane të zbulimit thonë se ndoshta Putini s’e ka urdhëruar vrḁsjen e Navalnyt
Sipas një artikulli të gazetës ‘Wall Street Journal’ të publikuar të shtunën,...
-
Ahmeti: Nuk vendos Mickoski a shkon BDI-ja në opozitë
Kryetari i Bashkimit Demokratik për Integrim (BDI), Ali Ahmeti, ka thënë se n...
-
Rrëfimi për mḁsakrën e Rezallës: “M’u qetësua shpirti kur e gjetëm trupin e babait”
Shumë net pa gjumë, vuajtje e mërzi e shoqëruan Shaban Deliun, derisa u ident...
-
Paralajmërimi i ministrit gjerman: Qëllimi i Putinit nuk është Ukraina por Evropa
Gjermania do të vazhdojë mbështetjen e saj për Ukrainën dhe do të kundërshtoj...
-
Rrëfimi i Menduh Thaçit: Gjeneralit të NATO-s dhe ambasadorit amerikan u kërkova ndihmë me lot
Kreu i PDSH-së, Menduh Thaçi, në një intervistë për LIBERO ka rrëfyer për vit...
-
Biden dhe gazetarët do të mblidhen në Shtëpinë e Bardhë për “darkën që dominohet nga humori”
Çdo vit në muajin prill, presidenti në detyrë dhe gazetarët mblidhen në Shtëp...
-
Kryeministri Kurti nga Meja: Lṷfta për lṷftën e Kosovës nuk ka përfunduar më 1999
Në shënim të Ditës së Personave të Zhdukur me Dhunë, në Mejë u mbajt tubim pë...
-
Maqedonci nga Budapesti: Theksova qëllimin tonë si shtet për të iu bashkuar NATO-s
Ministri i Mbrojtjes i Kosovës, Ejup Maqedonci ka marrë pjesë në konferencën ...
-
Deputeti finlandez Kiljunen: Kosova u dakordua për Asociacionin si element për anëtarësimin në KiE
Kryetari i Komisionit për Punë të Jashtme i Parlamentit të Finlandës, Kimmo K...